കൊച്ചി: നെടുമ്പാശേരിയില് നാല് കിലോയില് അധികം സ്വര്ണവുമായി അഞ്ച് പേര് പിടിയില്. കസ്റ്റംസ് എയര് ഇന്റലിജന്സ് വിഭാഗം നടത്തിയ പരിശോധനയിലാണ് മലദ്വാരത്തില് ഒളിപ്പിച്ചു കടത്താന് ശ്രമിച്ച സ്വര്ണം പിടികൂടിയത്.
4.269 കിലോ വരുന്ന സ്വര്ണ മിശ്രിതമാണ് അഞ്ച് പേരില് നിന്നായി പിടികൂടിയത്. ദുബായില് നിന്നെത്തിയ തഞ്ചാവൂര് സ്വദേശിയില് നിന്ന് 765 ഗ്രാമും, പട്ടാമ്പി സ്വദേശിയില് നിന്ന് 774 ഗ്രാമും, പത്തനംതിട്ട സ്വദേശിയില് നിന്ന് 1061 ഗ്രാമും പിടികൂടി. കൂടാതെ ഷാര്ജയില് നിന്നെത്തിയ ആലപ്പുഴ സ്വദേശിയില് നിന്ന് 870 ഗ്രാമും, ചാവക്കാട് സ്വദേശിയില് നിന്ന് 870 ഗ്രാമുമാണ് പിടികൂടിയത്.
സ്വര്ണ മിശ്രിതം ക്യാപ്സ്യൂള് രൂപത്തിലാക്കി മലദ്വാരത്തില് ഒളിപ്പിച്ചായിരുന്നു അഞ്ച് പേരും കടത്തിയത്. ഒരിടവേളക്ക് ശേഷം നെടുമ്പാശേരി വിമാനത്താവളം കേന്ദ്രീകരിച്ച് സ്വര്ണക്കടത്ത് സജീവമാകുന്നു എന്നാണ് കസ്റ്റംസ് അധികൃതര് പറയുന്നത്.
Read Also: ഭരണത്തിൽ പൂർണ സംതൃപ്തി; പ്രകടന പത്രിക തയാറാക്കാൻ നടപടി തുടങ്ങിയെന്ന് മുഖ്യമന്ത്രി