ലുധിയാന: മുൻ ഇന്ത്യൻ ക്രിക്കറ്റ് താരം യശ്‌പാൽ ശർമ അന്തരിച്ചു. 66 വയസായിരുന്നു. കപിൽദേവിന്റെ നേതൃത്വത്തിൽ 1983ൽ ഏകദിന ലോകകപ്പ് നേടിയ താരമാണ് ഇദ്ദേഹം. ഹൃദ്രോഗത്തെ തുടർന്ന് ജൻമനാടായ ലുധിയാനയിൽ ആയിരുന്നു അന്ത്യം.
ബാറ്റിങ് രംഗത്ത് പ്രതിരോധത്തിനും ആക്രമണത്തിനും ഒരുപോലെ പേരുകേട്ട വ്യക്‌തിയായിരുന്നു. ഇന്ത്യക്ക് വേണ്ടി 37 ടെസ്‌റ്റും 42 ഏകദിനങ്ങളും കളിച്ചിട്ടുണ്ട്. ടെസ്‌റ്റിൽ 1,606 റൺസും ഏകദിനത്തിൽ 883 റൺസുമാണ് സമ്പാദ്യം. 140 റൺസാണ് ടെസ്‌റ്റിലെ ഉയർന്ന സ്‌കോർ.
ഇന്ത്യയുടെ 1983ലെ ലോകകപ്പ് വിജയത്തിന്റെ കഥ പറയുന്ന 83 എന്ന ചിത്രത്തിൽ ജതിൻ ശർമയാണ് യശ്‌പാൽ ശർമയുടെ വേഷം ചെയ്യുന്നത്.
Also Read: മിന്നൽ പ്രളയം; ഹിമാചൽ പ്രദേശിൽ മൂന്ന് പേർ മരിച്ചു; നിരവധി പേരെ കാണാതായി
