തിരുവനന്തപുരം: ആരോഗ്യമന്ത്രി വീണാ ജോര്ജുമായി ഇന്ന് നടത്തിയത് സൗഹാദപരമായ കൂടിക്കാഴ്ചയെന്ന് സമരം ചെയ്യുന്ന പിജി ഡോക്ടര്മാര്. തങ്ങളുടെ ആശങ്കകള് മന്ത്രിയെ അറിയിച്ചു. വിഷയത്തില് കൃത്യമായ ചര്ച്ച വേണമെന്ന ആവശ്യം മന്ത്രി അംഗീകരിച്ചിട്ടുണ്ടെന്നും സമരക്കാര് പറഞ്ഞു. ആരോഗ്യ മന്ത്രിയുമായുള്ള ചര്ച്ച നടന്ന് ആവശ്യങ്ങള് പരിഗണിച്ച ശേഷമേ സമരത്തില് നിന്ന് പിൻമാറൂ എന്നും പിജി ഡോക്ടർമാർ പറഞ്ഞു.
പിജി ഡോക്ടർമാരുടെ സമരം പതിമൂന്നാം ദിവസത്തിലേക്ക് കടക്കുന്നതിനിടെയാണ് ഇന്ന് സമരക്കാര് ആരോഗ്യമന്ത്രിയെ കണ്ട് വിവരങ്ങള് ധരിപ്പിച്ചത്. നാല് ശതമാനം സ്റ്റൈപെന്ഡ് വര്ധനയടക്കം മുന്നോട്ട് വച്ച മുഴുവന് ആവശ്യങ്ങളിലും രേഖാമൂലം ഉറപ്പ് ലഭിച്ചാല് മാത്രം സമരം അവസാനിപ്പിക്കാം എന്ന നിലപാടിലാണ് പിജി ഡോക്ടര്മാര്. അത്യാഹിത വിഭാഗം ഉൾപ്പെടെ മുടക്കികൊണ്ടാണ് സമരം നടക്കുന്നത്.
Read Also: കണ്ണൂർ സർവകലാശാലയിൽ പ്രതിഷേധവുമായി യൂത്ത് കോൺഗ്രസ്; സംഘർഷം