ചിപ്പ് ക്ഷാമം; സ്‌മാർട് ഫോൺ നിർമാണത്തെയും ബാധിച്ചേക്കും

By News Desk, Malabar News
Global Chip Shortage

സാങ്കേതിക രംഗം ആഗോളതലത്തിൽ നേരിടുന്ന സെമി കണ്ടക്‌ടർ ക്ഷാമം കാർ നിർമാണം ഉൾപ്പടെയുള്ള നിരവധി മേഖലകളിലാണ് പ്രതിസന്ധി സൃഷ്‌ടിച്ചിരിക്കുന്നത്. ഇത്രയും നാൾ സ്‌മാർട് ഫോൺ വിപണി പിടിച്ചുനിന്നെങ്കിലും താമസിയാതെ സ്‌ഥിതി വഷളാകുമെന്നാണ് കൗണ്ടർ പോയിന്റ് റിസർച്ചിന്റെ റിപ്പോർട്.

കോവിഡ് വ്യാപനം ആരംഭിച്ച 2020 അവസാനത്തോടെയാണ് ലോകവ്യാപകമായി സെമി കണ്ടക്‌ടറുകൾക്ക് ക്ഷാമം നേരിട്ടത്. നേരത്തെ തന്നെ മുന്നൊരുക്കങ്ങൾ സ്വീകരിച്ചതിനാൽ ആപ്‌ളിക്കേഷൻ പ്രൊസസറുകൾ, ക്യാമറ സെൻസറുകൾ പോലുള്ളവ സംഭരിച്ചുവെക്കാൻ നിർമാതാക്കൾക്ക് സാധിച്ചു. എന്നാൽ ശേഖരിച്ചുവെച്ച അനുബന്ധ ഘടകങ്ങൾ തീർന്നുകൊണ്ടിരിക്കുകയാണ്. ആവശ്യത്തിന് സ്‌റ്റോക്ക് എത്താത്തതും സ്‌മാർട് ഫോൺ നിർമാണ രംഗത്തെയും ചിപ്പ് ക്ഷാമത്തിന്റെ പ്രതിസന്ധിയിലേക്ക് തള്ളിവിടുകയാണ്.

സാംസങ്, ഓപ്പോ, ഷവോമി എന്നിവ ഉൾപ്പടെ എല്ലാ ബ്രാൻഡുകളെയും സെമി കണ്ടക്‌ടർ ക്ഷാമം ബാധിച്ചേക്കുമെന്നാണ് കൗണ്ടർ പോയിന്റ് റിസർച്ച് ഡയറക്‌ടർ ടോം കാങ് പറയുന്നത്. എന്നാൽ, മറ്റ് കമ്പനികളെ അപേക്ഷിച്ച് ഈ സങ്കീർണത നേരിടാൻ ആപ്പിളിന് ഒരു പരിധിവരെ സാധിച്ചേക്കുമെന്നും അദ്ദേഹം വ്യക്‌തമാക്കി.

പ്രതിസന്ധി രൂക്ഷമായാൽ ചില സ്‌മാർട് ഫോണുകളിൽ മാത്രമായി കമ്പനികൾ ശ്രദ്ധ കേന്ദ്രീകരിക്കേണ്ടി വരും. മറ്റ് സ്‌മാർട് ഫോണുകൾ പുറത്തിറക്കുന്നത് നിർത്തിവെക്കേണ്ടതായും വന്നേക്കും. എന്തായാലും കോവിഡ് നിയന്ത്രണങ്ങൾ ഒഴിഞ്ഞതോടെ സ്‌മാർട് ഫോൺ വിതരണത്തിൽ ഉണ്ടായ വർധനവ് അധികനാൾ നീണ്ടുനിൽക്കില്ലെന്നാണ് റിപ്പോർട്ടുകൾ സൂചിപ്പിക്കുന്നത്.

Also Read: ആഡംബര കപ്പലിലെ ലഹരിപ്പാർടി; ആര്യൻ ഖാനെ എൻസിബി ചോദ്യം ചെയ്യുന്നു

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE