എറണാകുളം: നെടുമ്പാശേരി വിമാനത്താവളത്തിൽ വീണ്ടും വൻ സ്വർണവേട്ട. വിമാനത്താവളത്തിൽ എത്തിയ 5 യാത്രക്കാരിൽ നിന്നും അഞ്ചര കിലോ സ്വർണമാണ് കസ്റ്റംസ് പിടികൂടിയത്. ദുബായ്-ചെന്നൈ വിമാനത്തിൽ എത്തിയ യാത്രക്കാരിൽ നിന്നുമാണ് ഇത്രയധികം സ്വർണം അധികൃതർ പിടിച്ചത്.
ദുബായ് വിമാനത്തിൽ ചെന്നൈയിലും അവിടെ നിന്ന് കൊച്ചിയിലും എത്തിയവരാണ് പിടിയിലായത്. ഇവർ രാജ്യാന്തര സ്വർണക്കടത്ത് സംഘത്തിലെ കണ്ണികളാണെന്നാണ് വിവരം.
മൂന്ന് പേരിൽ നിന്ന് 355 ഗ്രാം സ്വർണവും, ബാക്കി സ്വർണം മറ്റ് രണ്ട് പേരിൽ നിന്നുമാണ് പിടികൂടിയത്. ഇതിന് പുറമേ ഉടമസ്ഥനില്ലാതെ 573 ഗ്രാം സ്വർണവും കണ്ടെടുത്തിട്ടുണ്ട്. സംഭവത്തിൽ വിശദമായ അന്വേഷണം ഉണ്ടാകുമെന്നാണ് കസ്റ്റംസ് വ്യക്തമാക്കിയത്.
Read also: ലെബനനിൽ തീവ്രവാദ സംഘങ്ങളുടെ റാലിയിൽ വെടിവെപ്പ്; ആറ് മരണം