കൊച്ചി : എറണാകുളത്ത് നെടുമ്പാശ്ശേരി വിമാനത്താവളത്തിൽ വൻ സ്വർണ്ണവേട്ട. ഒരു കോടിയോളം രൂപ വിലമതിക്കുന്ന സ്വർണമാണ് പിടിച്ചെടുത്തത്. ഫ്ളൈ ദുബായ് വിമാനത്തില് ദുബായില് നിന്ന് വന്ന കണ്ണൂര് സ്വദേശിയിൽ നിന്നാണ് സ്വര്ണം കണ്ടെടുത്തത്. ഏകദേശം രണ്ടരക്കിലോ സ്വർണമാണ് ഇയാൾ നാട്ടിലേക്ക് കടത്താൻ ശ്രമിച്ചത്.
ബോട്ടിലില് നിറച്ച മാംഗോ ജ്യൂസില് ദ്രാവക രൂപത്തില് കലര്ത്തിയാണ് സ്വര്ണം കടത്തിയത്. ഇത്തരത്തിൽ 6 ബോട്ടിലുകളിലാണ് സ്വർണം ഉണ്ടായിരുന്നത്. കസ്റ്റംസ് അസിസ്റ്റന്റ് കമ്മീഷണറുടെയും സൂപ്രണ്ടിന്റെയും നേതൃത്വത്തിലുള്ള സംഘം നടത്തിയ പരിശോധനയിലാണ് സ്വർണം പിടികൂടിയത്.
Read also : പൂരം നടത്തിപ്പിൽ നിന്ന് പിന്നോട്ടില്ല; തടസപ്പെടുത്തരുത് എന്ന് ടിഎൻ പ്രതാപൻ എംപി