കോഴിക്കോട്: കരിപ്പൂർ വിമാനത്താവളത്തിൽ വീണ്ടും വൻ സ്വർണവേട്ട. ഒരു കോടി രൂപ വിലമതിക്കുന്ന സ്വർണം എയർ കസ്റ്റംസ് പിടികൂടി. വിദേശത്ത് നിന്നെത്തിയ മൂന്ന് പേരിൽ നിന്നായി മൂന്ന് കിലോഗ്രാം തൂക്കം വരുന്ന സ്വർണ മിശ്രിതമാണ് പിടികൂടിയത്. വടകര സ്വദേശി മുസ്തഫ, ഉപ്പള സ്വദേശി ഷാഫി, മലപ്പുറം സ്വദേശി ലുക്മാൻ എന്നിവരാണ് പിടിയിലായത്.
മുസ്തഫ കുനിയത്ത് എന്ന വടകര സ്വദേശിയില് നിന്നും 1.32 കിലോ ഗ്രാം സ്വര്ണമാണ് പിടികൂടിയത്. സോക്സിനുള്ളില് മിശ്രിത രൂപത്തിലാണ് ഇയാള് സ്വര്ണം കടത്താന് ശ്രമിച്ചത്. കാസർഗോഡ് ഉപ്പള സ്വദേശി ഷാഫിയില് നിന്നും 1030 ഗ്രാം സ്വര്ണ മിശ്രിതം പിടിച്ചെടുത്തു. മലപ്പുറം സ്വദേശി ലുക്മാൻ 1086 ഗ്രാം സ്വര്ണമാണ് കടത്താന് ശ്രമിച്ചത്.
സ്വര്ണമിശ്രിതത്തിന് പുറമെ, ലുക്മാനില് നിന്നും 50 ഗ്രാം സ്വര്ണച്ചെയിനും പിടിച്ചെടുത്തിട്ടുണ്ട്. ധരിച്ച പാന്റിനുള്ളില് പ്രത്യേക അറകളുണ്ടാക്കിയാണ് ഷാഫിയും ലുക്മാനും സ്വര്ണമിശ്രിതം ഒളിപ്പിച്ച് കടത്താന് ശ്രമിച്ചത്.
Also Read: വൈദ്യുതവാഹന ചാർജിംഗ് സ്റ്റേഷൻ; ജില്ലയിൽ ആദ്യത്തേത് കാഞ്ഞിരപ്പുഴയിൽ