ആലപ്പുഴ: സംസ്ഥാനത്ത് തുടരുന്ന അതി ശക്തമായ മഴയിൽ കുട്ടനാട്, അപ്പർ കുട്ടനാട് മേഖലകളിലെ താഴ്ന്ന പ്രദേശങ്ങളിലെല്ലാം വെള്ളം കയറി. കുട്ടനാട്ടിലെ ആറുകളും തോടുകളുമെല്ലാം നിലവിൽ നിറഞ്ഞു കവിഞ്ഞ സ്ഥിതിയിലാണ്. ഇതേ തുടർന്നാണ് താഴ്ന്ന പ്രദേശങ്ങളിലെല്ലാം വെള്ളം കയറിയത്. കൈനകരി, കാവാലം, പുളിങ്കുന്ന്, നെടുമുടി പഞ്ചായത്തുകളിലാണ് രൂക്ഷമായ വെള്ളപ്പൊക്കം.
പത്തനംതിട്ട, ആലപ്പുഴ എന്നീ ജില്ലകളിൽ ഇന്നലെ ഉച്ച മുതൽ ആരംഭിച്ച മഴ ഇപ്പോഴും തുടരുകയാണ്. തിരുവല്ല, ചെങ്ങന്നൂർ മേഖലകളിലും നിലവിൽ കനത്ത മഴ തുടരുകയാണ്. വിവിധ പഞ്ചായത്തുകളിലെ താഴ്ന്ന പ്രദേശങ്ങളിൽ ഇതിനോടകം വെള്ളം കയറി കഴിഞ്ഞു.
സംസ്ഥാനത്ത് ഇപ്പോഴും അതി ശക്തമായ മഴ തുടരുകയാണ്. ഇടിമിന്നലോട് കൂടിയ മഴക്ക് സാധ്യതയുള്ളതിനാൽ പൊതുജനങ്ങൾ അതീവ ജാഗ്രത പാലിക്കണമെന്ന് മുഖ്യമന്ത്രി നിർദ്ദേശം നൽകിയിട്ടുണ്ട്. കൂടാതെ എറണാകുളം, ഇടുക്കി, തൃശൂർ എന്നീ ജില്ലകളിലാണ് നിലവിൽ റെഡ് അലർട് നിലനിൽക്കുന്നത്.
Read also: വായുമലിനീകരണം തുടരുന്നു; ഡെൽഹിയിൽ സ്വകാര്യ വാഹനങ്ങൾക്ക് നിയന്ത്രണം