തിരുവനന്തപുരം : രാജ്യത്ത് കോവിഡ് വ്യാപനത്തിൽ ആശങ്കപ്പെടേണ്ട സംസ്ഥാനങ്ങളിൽ കേരളവും ഉണ്ടെന്ന് വ്യക്തമാക്കി ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ). കേന്ദ്ര ആരോഗ്യമന്ത്രി ഡോക്ടർ ഹർഷ് വർധന്റെ അധ്യക്ഷതയിൽ ചേർന്ന യോഗമാണ് ഇക്കാര്യം വിലയിരുത്തിയത്.
കൂടാതെ രാജ്യത്തെ 80 ജില്ലകളിലെ ടിപിആർ നിരക്ക് നിലവിൽ ഉയർന്ന് തുടരുകയാണെന്നും, ഈ സമയത്ത് കോവിഡ് നിയന്ത്രണങ്ങളിൽ ഉണ്ടാകുന്ന വീഴ്ച കൂടുതൽ പ്രതിസന്ധികൾ സൃഷ്ടിക്കുമെന്നും സംഘടന മുന്നറിയിപ്പ് നൽകി. മഹാരാഷ്ട്ര, കേരളം, തമിഴ്നാട്, ബംഗാള്, ഒഡീഷ എന്നീ സംസ്ഥാനങ്ങളിലാണ് നിലവിൽ ആശങ്ക നിലനിൽക്കുന്നത്.
ഈ സംസ്ഥാനങ്ങളിലെല്ലാം നിലവിൽ പ്രതിദിനം കോവിഡ് ബാധിക്കുന്നവരുടെ നിരക്ക് ദേശീയ ശരാശരിയേക്കാൾ കൂടുതലാണ്. കൂടാതെ പ്രതിദിനം റിപ്പോർട് ചെയ്യുന്ന കോവിഡ് മരണങ്ങളും ഇവിടെ കൂടുതലാണ്. 100ൽ അധികം കോവിഡ് മരണങ്ങളാണ് കേരളം, തമിഴ്നാട്, മഹാരാഷ്ട്ര, കർണാടക എന്നിവിടങ്ങളിൽ പ്രതിദിനം സ്ഥിരീകരിക്കുന്നത്.
Read also : വിവാദ ഭൂപടം; ട്വിറ്റർ ഇന്ത്യ എംഡിക്കെതിരെ കേസ്; മൂന്ന് വർഷം വരെ തടവ് ലഭിച്ചേക്കാം