ഇടുക്കി: കനത്ത മഴയിൽ ഇടുക്കി ഡാമിൽ ജലനിരപ്പ് ഉയർന്നതായി റിപ്പോർട്. 2,396.50 അടിയായാണ് ജലനിരപ്പ് ഉയർന്നത്. ഡാമിലെ ജലനിരപ്പ് 2396.86 അടിയിൽ എത്തിയാൽ ഓറഞ്ച് അലർട് പുറപ്പെടുവിക്കും. ഇന്ന് ഉച്ച വരെയുള്ള സാഹചര്യം വിലയിരുത്തി കേരളത്തിൽ പ്രളയ സാഹചര്യമില്ലെന്നും നിലവിൽ ഡാമുകൾ തുറക്കേണ്ട സാഹചര്യമില്ലെന്നും ജല കമ്മീഷൻ വ്യക്‌തമാക്കിയിരുന്നു.
പ്രധാന അണക്കെട്ടുകള്‍ തല്‍ക്കാലം തുറക്കേണ്ടതില്ലെന്നാണ് കെഎസ്ഇബിയുടെയും തീരുമാനം. വൈദ്യുതി മന്ത്രി കെ കൃഷ്‌ണൻകുട്ടിയുടെ നേതൃത്വത്തിൽ വൈദ്യുതി ബോർഡ് സിഎംഡി വിളിച്ച ഉന്നതതല യോഗത്തിലാണ് ഇക്കാര്യം തീരുമാനിച്ചത്. എല്ലാ ഡാമുകളുടെയും ജലനിരപ്പ് 24 മണിക്കൂറും നിരീക്ഷിക്കുന്നുണ്ട്. ഡാമുകൾ തുറക്കുന്നത് ദുരന്ത നിവാരണ അതോറിറ്റിയുടെ നിർദേശം അനുസരിച്ചായിരിക്കും എന്നും കെഎസ്ഇബി വ്യക്‌തമാക്കി.
Read also: കനത്ത മഴ; പരീക്ഷകൾ മാറ്റിവെച്ചതായി വിവിധ സർവകലാശാലകൾ
