തിരുവനന്തപുരം: തലസ്ഥാനത്തെ സബ് ഡിവിഷണൽ മജിസ്ട്രേറ്റ് കോടതിയില് സൂക്ഷിച്ചിരുന്ന തൊണ്ടിമുതലുകള് നഷ്ടപ്പെട്ട സംഭവത്തില് വിജിലൻസ് അന്വേഷണത്തിന് റവന്യൂ മന്ത്രിയുടെ ശുപാർശ. അസ്വാഭാവിക മരണങ്ങളുടെ ഇൻക്വസ്റ്റ് സമയത്തുള്ള വസ്തുക്കളും, ആരും ഏറ്റെടുക്കാനില്ലാത്ത മൂല്യവസ്തുക്കളും സബ് ഡിവിഷണൽ മജിസ്ട്രേറ്റിന്റെ കസ്റ്റഡിയില് സീല് ചെയ്ത് സൂക്ഷിക്കാറുണ്ട്.
ഇത്തരത്തില് സൂക്ഷിച്ചിരുന്ന ചില തൊണ്ടി സാധനങ്ങളിൽ കുറവ് കണ്ട സാഹചര്യത്തിലാണ് പരിശോധനക്ക് വിധേയമാക്കാന് മജിസ്ട്രേറ്റ് ഉത്തരവിട്ടത്. പരിശോധനയില് 581.48 ഗ്രാം സ്വർണം, 140.5 ഗ്രാം വെളളി, 47,500 രൂപ എന്നിവ നഷ്ടപ്പെട്ടതായി കണ്ടെത്തി. ഈ ആരോപണം പരിശോധിക്കുന്നതിനാണ് വിജിലൻസ് അന്വേഷണത്തിന് മന്ത്രി ശുപാർശ നൽകിയത്.
Most Read: സമൂഹമാദ്ധ്യമം വഴി ഹണിട്രാപ്പ്; യുവതി ഉൾപ്പെടെ രണ്ട് പേർ അറസ്റ്റിൽ