ഡെൽഹി: ഇന്ത്യയിലെ കോവിഡ് വാക്‌സിനേഷന്‍ 114 കോടി പിന്നിട്ടു. 114.46 കോടി ഡോസ് വാക്‌സിനാണ് ഇതുവരെ വിതരണം ചെയ്‌തത്‌. കഴിഞ്ഞ 24 മണിക്കൂറിനിടെ 73,44,739 പേര്‍ക്ക് വാക്‌സിനേഷന്‍ നടത്തിയതോടെ ആകെ കണക്ക് 1,14,46,32,851 ആയതായി കേന്ദ്ര ആരോഗ്യ മന്ത്രാലയം അറിയിച്ചു.
അതേസമയം രാജ്യത്ത് പുതിയ 11,919 കോവിഡ് കേസുകളാണ് റിപ്പോര്‍ട് ചെയ്‌തത്‌. 11,242 പേര്‍ രോഗമുക്‌തി നേടി. ആകെ രോഗമുക്‌തരുടെ എണ്ണം 3,38,85,132 ആയി. 98.28 ശതമാനമാണ് രോഗമുക്‌തി നിരക്ക്. 2020 മാര്‍ച്ച് മുതലുള്ള ഏറ്റവും കൂടിയ നിരക്കാണിത്. 470 പേരുടെ മരണമാണ് കോവിഡ് മൂലമെന്ന് ഇന്ന് സ്‌ഥിരീകരിച്ചത്. ആകെ മരണ നിരക്ക് 4,64,623 ആയതായും ആരോഗ്യമന്ത്രാലയം വ്യക്‌തമാക്കി.
Must Read: സിബിഐ, ഇഡി ഡയറക്‌ടർമാരുടെ കാലാവധി നീട്ടൽ; കോൺഗ്രസ് സുപ്രീം കോടതിയിൽ
