പുലാമന്തോൾ: പെരിന്തൽമണ്ണ പോലീസിന്റെ നേതൃത്വത്തിൽ കുന്തിപ്പുഴയിൽ നടത്തിയ മിന്നൽ പരിശോധനയിൽ മണൽക്കടത്ത് തോണി പിടികൂടി നശിപ്പിച്ചു, ഞായറാഴ്‌ച പുലർച്ചെ പുലാമന്തോൾ ഹൈസ്‌കൂൾ കടവിൽ നടത്തിയ പരിശോധനയിലാണ് തോണി പിടികൂടിയത്. പരിശോധനയിൽ രണ്ട് ലോഡ് മണൽ സഹിതം ഒരു തോണി പിടികൂടി.
സബ് ഇൻസ്‌പെക്‌ടർ ഹേമലതക്ക് ലഭിച്ച രഹസ്യവിവരത്തെ തുടർന്നാണ് പരിശോധന നടത്തിയത്. തോണി തുഴഞ്ഞ് മറുകരയിലേക്ക് കൊണ്ടുപോകാൻ ശ്രമിച്ചെങ്കിലും പോലീസുകാർ നീന്തി പിന്തുടർന്ന് തോണി പിടിച്ചെടുത്തു. തോണിയിൽ ഉണ്ടായിരുന്നവർ മാറുകരയിലേക്ക് നീന്തിരക്ഷപ്പെട്ടു. കടവിൽവെച്ചുതന്നെ മണ്ണുമാന്തി യന്ത്രം ഉപയോഗിച്ച് തോണി നശിപ്പിച്ചു.
ജൂനിയർ എസ്‌ഐ പ്രമോദ്, എഎസ്ഐ ജോർജ് കുര്യൻ എന്നിവരുടെ നേതൃത്വത്തിലായിരുന്നു പരിശോധന. പരിശോധനയിൽ എഎസ്ഐ വിശ്വംഭരൻ,പോലീസുകാരായ പ്രഭുൽ,കബീർ, സുഭാഷ്, മിഥുൻ, ഷജീർ, ഷമീൽ തുടങ്ങിയവർ പങ്കെടുത്തു.
Read also: റേഷൻ മുൻഗണനേതര പട്ടികയിലെ ഒഴിവുകൾ നികത്താൻ സർക്കാർ
