ഇത്തവണത്തെ ഐഎസ്എല്ലില് ഈസ്റ്റ് ബംഗാളിനായി കളിക്കാനൊരുങ്ങി മുന് ഒഡീഷ എഫ് സി താരമായ നാരായണ് ദാസ്. ഇന്ത്യയിലെ മികച്ച ലെഫ്റ്റ് ബാക്കില് ഒരാളായ നാരായണ് ദാസും ഈസ്റ്റ് ബംഗാളും തമ്മിലുള്ള ചര്ച്ചകള് അവസാന ഘട്ടത്തിലാണ്. അടുത്ത ആഴ്ചക്കുള്ളില് കരാറില് ഒപ്പ് വെക്കാനാണ് സാധ്യത. ഒഡീഷയുമായുള്ള താരത്തിന്റെ കരാര് കഴിഞ്ഞ സീസണ് അവസാനത്തോടെ തീര്ന്നിരുന്നു.
26കാരനായ നാരായണ് ദാസ് എഫ് സി ഗോവയിലൂടെയായിരുന്നു ഐ എസ് എല്ലില് അരങ്ങേറ്റം കുറിച്ചത്. ഇതുവരെ 91 മത്സരങ്ങള് കളിച്ച ഇദ്ദേഹം ഏറ്റവും കൂടുതല് പരിചയ സമ്പത്തുള്ള പ്രതിരോധ കളിക്കാരില് ഒരാള് കൂടിയാണ്.
Entertainment News: ‘കാ പേ രണസിംഗം’ ഓൺലൈൻ റിലീസ് ഒക്ടോബർ 2ന്
2016 ല് പൂനെ സിറ്റിയിലേക്ക് ചേക്കേറിയ താരം അടുത്ത സീസണില് ഗോവയിലേക്ക് തന്നെ വീണ്ടും മടങ്ങിയെത്തി. ഗോവന് ടീം സെമി ഫൈനല് മത്സരത്തിലേക്ക് കടന്നതിലെല്ലാം നാരായണ് ദാസ് വലിയ പങ്കുവഹിച്ചിരുന്നു.
അതേസമയം ഈസ്റ്റ് ബംഗാളിലേക്ക് താരത്തിന്റെ രണ്ടാം വരവാകും ഇത്. 2015-16 സീസണിലാണ് നാരായണ് ദാസ് മുന്പ് ഈസ്റ്റ് ബംഗാളിനായി കളിച്ചത്. ഇന്ത്യന് ആരോസ്, ഡെംപോ എന്നീ ടീമുകളുടെ ജേഴ്സിയും ഇന്ത്യയുടെ കരുത്തുറ്റ പ്രതിരോധ താരമായ ഈ ബംഗാള് സ്വദേശി അണിഞ്ഞിട്ടുണ്ട്.