ജറുസലേം: ഇസ്രയേലിലെ ഗില്ബോവ ജയിലില് നിന്നും രക്ഷപ്പെട്ട പലസ്തീൻ തടവുപുള്ളികൾക്ക് ഐക്യദാര്ഢ്യം പ്രഖ്യാപിച്ച് വെസ്റ്റ് ബാങ്കില് നടത്തിയ റാലിക്ക് നേരെ ആക്രമണം. ഇസ്രയേല് നടത്തിയ ആക്രമണത്തില് നിരവധി പേര്ക്ക് പരിക്കേറ്റു. റാലിയില് പങ്കെടുത്തടുത്തവരെ പിരിച്ചുവിടാന് ഇസ്രായേല് സേന കണ്ണീര്വാതകവും റബര് ബുള്ളറ്റുകളും പ്രയോഗിച്ചു.
റാമല്ല, നബ്ലൂസ്, ബെത്ലഹേം, ഹെബ്രോണ് എന്നിവിടങ്ങളിൽ നടന്ന റാലിയിൽ നൂറോളം പേര്ക്ക് പരിക്കേറ്റതായി പലസ്തീൻ റെഡ് ക്രെസന്റ് റിപ്പോർട് ചെയ്യുന്നു.
ആറു പലസ്തീകളാണ് ഇസ്രയേലിന്റെ കനത്ത സുരക്ഷയുള്ള ഗില്ബോവ ജയില് ചാടിയത്. ഇവര്ക്കായി ഇസ്രായേല് വ്യാപക തിരച്ചില് നടത്തിയിരുന്നു. തടവു ചാടിയവരുടെ ബന്ധുക്കളെ അറസ്റ്റ് ചെയ്യുകയും ചെയ്തിരുന്നു. തങ്ങളുടെ മക്കള് രക്ഷപ്പെട്ടതില് അതിയായ സന്തോഷമുണ്ടെന്നും അതേസമയം അവരുടെ വിവരങ്ങള് അറിയാത്തതിനാല് ആശങ്കയുണ്ടെന്നുമാണ് ജയില് ചാടിയവരുടെ മാതാപിതാക്കള് പറയുന്നത്.
Read also: ‘ഉഡാന്’; 100 ദിവസത്തിനകം 50 പുതിയ റൂട്ടുകളില് വിമാന സര്വീസ്