കോഴിക്കോട്: ജാനകിക്കാട് കൂട്ടബലാൽസംഗ കേസിൽ കൂടുതൽ പ്രതികളെന്ന് സൂചന. സംഭവത്തിൽ പെരുമണ്ണാമൂഴി പോലീസ് പുതിയ ഒരു കേസ് കൂടി രജിസ്റ്റർ ചെയ്തു. സംഭവത്തിൽ 5 പ്രതികളെ പോലീസ് പിടികൂടിയിട്ടുണ്ട്.
കേസിലെ നാല് പ്രതികളെ കഴിഞ്ഞ ദിവസം കോടതി 14 ദിവസത്തേക്ക് റിമാൻഡ് ചെയ്തിരുന്നു. കോഴിക്കോട് പോക്സോ കോടതിയാണ് പ്രതികളായ കാവിലുംപാറ സ്വദേശി അക്ഷയ് (22), മൊയിലോത്തറ സ്വദേശികളായ രാഹുല് (22), സായൂജ് (24), അടുക്കത്ത് സ്വദേശി ഷിബു (32) എന്നിവരെ റിമാൻഡ് ചെയ്തത്.
ഈ മാസം മൂന്നിനാണ് കുറ്റ്യാടി സ്വദേശിനിയായ പെണ്കുട്ടി ആദ്യ തവണ കൂട്ടബലാൽസംഗത്തിന് ഇരയായത്. ജാനകിക്കാടിനടുത്തുള്ള ഒഴിഞ്ഞ പ്രദേശത്തു വെച്ച് ഈ മാസം 16ന് പതിനേഴുകാരിയായ ദളിത് പെണ്കുട്ടി രണ്ടാമതും പീഡനത്തിനിരയായി. ശീതള പാനിയത്തില് മയക്കുമരുന്ന് ചേര്ത്ത് നല്കിയായിരുന്നു പീഡനം. നിലവില് പോലീസും വനിതാ ശിശുക്ഷേമ വകുപ്പും പെണ്കുട്ടിക്ക് കൗണ്സലിംഗ് നല്കി വരികയാണ്.
Read Also: കോട്ടയത്ത് പോലീസുകാരൻ മരിച്ച നിലയിൽ