കോഴിക്കോട്: കെ പി എ സിയുടെ ആഭിമുഖ്യത്തിൽ സംഗീത സംവിധായകന് കെ രാഘവന്റെ ഓര്മക്കായി നൽകുന്ന കെ രാഘവന് മാസ്റ്റര് ഫൗണ്ടേഷന് പ്രഥമ പുരസ്കാരം ശ്രീകുമാരന് തമ്പിക്ക്. 50,000 രൂപയും ശിൽപവും സാക്ഷ്യപത്രവുമാണ് പുരസ്കാരം. എം ജയചന്ദ്രന്, ഡോ. കെ ഓമനക്കുട്ടി, കരിവെള്ളൂര് മുരളി എന്നിവരടങ്ങിയ ജഡ്ജിംഗ് കമ്മിറ്റിയാണ് ശ്രീകുമാരൻ തമ്പിയെ തിരഞ്ഞെടുത്തത്. മലയാള സംഗീത ലോകത്തെ അര്ത്ഥ പൂര്ണ്ണമാക്കുന്നതില് ശ്രീകുമാരന് തമ്പിക്ക് വലിയ പങ്കുണ്ടെന്നും തലമുറകള് ഏറ്റുപാടിയ ഭാവഗീതങ്ങളുടെ കവിയാണ് അദ്ദേഹമെന്നും ജഡ്ജിംഗ് കമ്മിറ്റി അംഗങ്ങള് പറഞ്ഞു. കെ രാഘവന് മാസ്റ്ററുടെ ജൻമദിനമായ ഡിസംബര് രണ്ടിന് പുരസ്കാരം സമ്മാനിക്കും.
Read also: ‘അവഗണന മടുത്തു, ഇനി മലയാള സിനിമയില് പാടില്ല’; വിജയ് യേശുദാസ്