കോവിഡ് സ്ഥിരീകരിച്ച് ചികിത്സയിലായിരുന്ന 1419 പേരുടെ പരിശോധനാഫലം ഇന്ന് നെഗറ്റീവ് ആയി. തിരുവനന്തപുരം 258, കൊല്ലം 54, പത്തനംതിട്ട 37, ആലപ്പുഴ 67, കോട്ടയം 93, ഇടുക്കി 18, എറണാകുളം 89 , തൃശൂര് 55, പലക്കാട് 144, മലപ്പുറം 319 , കോഴിക്കോട് 163, കാസര്ഗോഡ് 34, വയനാട്, കണ്ണൂര് 44 പേര് എന്നിങ്ങനെയാണ് രോഗബാധയില് നിന്ന് മോചനം നേടിയവര്.
ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചതനുസരിച്ച്, കേരളത്തില് ഇന്ന് 1983 പേര്ക്ക് കോവിഡ്-19 സ്ഥിരീകരിച്ചിട്ടുണ്ട്. അതില്; 64 പേര് വിദേശ രാജ്യങ്ങളില് നിന്നും 99 പേര് മറ്റ് സംസ്ഥാനങ്ങളില് നിന്നും വന്നതാണ്. 1777 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 109 പേരുടെ സമ്പര്ക്ക ഉറവിടം വ്യക്തമല്ല. തിരുവനന്തപുരം ജില്ലയില് നിന്നുള്ള 411 പേര്ക്കും, മലപ്പുറം ജില്ലയില് നിന്നുള്ള 318 പേര്ക്കും, കോഴിക്കോട് ജില്ലയില് നിന്നുള്ള 146 പേര്ക്കും, എറണാകുളം ജില്ലയില് നിന്നുള്ള 144 പേര്ക്കും, കോട്ടയം ജില്ലയില് നിന്നുള്ള 127 പേര്ക്കും, ആലപ്പുഴ ജില്ലയില് നിന്നുള്ള 124 പേര്ക്കും, തൃശൂര് ജില്ലയില് നിന്നുള്ള 104 പേര്ക്കും, കാസര്ഗോഡ് ജില്ലയില് നിന്നുള്ള 95 പേര്ക്കും, കൊല്ലം ജില്ലയില് നിന്നുള്ള 77 പേര്ക്കും, കണ്ണൂര് ജില്ലയില് നിന്നുള്ള 72 പേര്ക്കും, പത്തനംതിട്ട ജില്ലയില് നിന്നുള്ള 68 പേര്ക്കും, പാലക്കാട് ജില്ലയില് നിന്നുള്ള 60 പേര്ക്കും, ഇടുക്കി ജില്ലയില് നിന്നുള്ള 16 പേര്ക്കും, വയനാട് ജില്ലയില് നിന്നുള്ള 15 പേര്ക്കുമാണ് ഇന്ന് സമ്പര്ക്കത്തിലൂടെ രോഗം ബാധിച്ചത്.
കോവിഡ് മൂലമാണെന്ന് സ്ഥിരീകരിച്ച മരണങ്ങള് 12 ആണ്. ആഗസ്റ്റ് 15ന് മരണമടഞ്ഞ ആലപ്പുഴ – കരിയിലക്കുളങ്ങര സ്വദേശി സദാനന്ദന് (62), കണ്ണൂര് കണ്ണപുരം സ്വദേശി കൃഷ്ണന് (78), ആഗസ്റ്റ് 18ന് മരണമടഞ്ഞ എറണാകുളം വെണ്ണല സ്വദേശി മുഹമ്മദ് കുട്ടി (78), കോഴിക്കോട് നല്ലളം സ്വദേശി അഹമ്മദ് ഹംസ (69), മലപ്പുറം രണ്ടത്താണി സ്വദേശിനി അയിഷാമ്മ (54), മലപ്പുറം ചെറിയമുണ്ട സ്വദേശി ഇന്തിന്കുട്ടി (71), മലപ്പുറം നടുവത്ത് സ്വദേശി മുഹമ്മദ് ഇക്ബാല് (58), ആഗസ്റ്റ് 19ന് മരണമടഞ്ഞ കോഴിക്കോട് തിക്കോടി സ്വദേശി മുല്ലക്കോയ തങ്ങള് (67), ആഗസ്റ്റ് 14ന് മരണമടഞ്ഞ മലപ്പുറം ചേലാമ്പ്ര സ്വദേശിനി ദേവകി അമ്മ (94), ആഗസ്റ്റ് 16ന് മരണമടഞ്ഞ കോഴിക്കോട് തിക്കോടി സ്വദേശി മുഹമ്മദ് കോയ (55), കോഴിക്കോട് മാവൂര് സ്വദേശിനി പി.ടി. സുലു (49), കോഴിക്കോട് വെസ്റ്റ് ഹില് സ്വദേശി ഷൈന് ബാബു (47) എന്നിവരുടെ മരണം കോവിഡ്-19 മൂലമാണെന്ന് സ്ഥിരീകരിച്ചു. ഇതോടെ കേരളത്തിലെ ആകെ കോവിഡ് മരണം 203 ആയതായി മന്ത്രി ശൈലജ ടീച്ചര് പറഞ്ഞു.
പുതുതായി 32 ഹോട്ട് സ്പോട്ടുകളാണ് ഇന്ന് നിലവില് വന്നിട്ടുള്ളത്. കോട്ടയം ജില്ലയിലെ നെടുംകുന്നം (കണ്ടൈന്മെന്റ് സോണ് വാര്ഡ് 6), പനച്ചിക്കാട് (18), കുമരകം (7), ഇരാറ്റുപേട്ട (9, 11, 12), തീക്കോയി (13), രാമപുരം (7, 8), ഉഴവൂര് (12), കൊല്ലം ജില്ലയിലെ നെടുമ്പന (17), ശൂരനാട് സൗത്ത് (5), പേരയം (4, 5), പെരിനാട് (1, 2, 20), മേലില (9), ഇടുക്കി ജില്ലയിലെ വണ്ടിപ്പെരിയാര് (സബ് വാര്ഡ് 2), ആലക്കോട് (സബ് വാര്ഡ് 2), കാഞ്ചിയാര് (സബ് വാര്ഡ് 3, 4, 10, 14), ചക്കുപള്ളം (സബ് വാര്ഡ് 4, 5, 6), കാസര്ഗോഡ് ജില്ലയിലെ ബളാല് (12, 13, 15), ബെള്ളൂര് (7), പനത്തടി (7, 8, 14), തൃശൂര് ജില്ലയിലെ എറിയാട് (13), മാടക്കത്തറ (സബ് വാര്ഡ് 4), തെക്കുംകര (13), എറണാകുളം ജില്ലയിലെ നെടുമ്പാശേരി (18), കൂവപ്പടി (4), പെരുമ്പാവൂര് (21), വയനാട് ജില്ലയിലെ നെന്മേനി (15 (സബ് വാര്ഡ്), 18, 19, 20), കോട്ടത്തറ (7, 8), ആലപ്പുഴ ജില്ലയിലെ കൈനകരി (10), നെടുമുടി (2), തിരുവനന്തപുരം ജില്ലയിലെ കാഞ്ഞിരംകുളം (1, 10), മലപ്പുറം ജില്ലയിലെ വാഴയൂര് (3, 4, 12), പത്തനംതിട്ട ജില്ലയിലെ നിരണം (12) എന്നിവയാണവ. നിലവിലിപ്പോള് 607 ഹോട്ട് സ്പോട്ടുകളാണ് സംസ്ഥാനത്ത് ഉള്ളത്.
ഹോട്ട് സ്പോട്ടില് നിന്നും 8 പ്രദേശങ്ങളെ നീക്കം ചെയ്തിട്ടുണ്ട്. പാലക്കാട് ജില്ലയിലെ പൊല്പ്പുള്ളി (വാര്ഡ് 1, 2, 11), മങ്കര (9), തച്ചമ്പാറ (1, 10, 12), കോട്ടായി (3, 9), തൃശൂര് ജില്ലയിലെ ആളൂര് (10, 15), മലപ്പുറം ജില്ലയിലെ ചാലിയാര് (1, 5, 11, 12, 13), എറണാകുളം ജില്ലയിലെ തിരുവാണിയൂര് (11), ആലപ്പുഴ ജില്ലയിലെ കുത്തിയതോട് (1) എന്നീ പ്രദേശങ്ങളെയാണ് കണ്ടൈന്മെന്റ് സോണില് നിന്നും ഒഴിവാക്കിയത്.