ന്യൂഡെൽഹി: കാര്ഷിക നിയമത്തിനെതിരെ കിസാന് മഹാ പഞ്ചായത്തുമായി രാഹുല് ഗാന്ധിയും രംഗത്ത് വരുന്നു. ഫെബ്രുവരി 12,13 തീയതികളിൽ രാജസ്ഥാനിലാണ് മഹാപഞ്ചായത്ത് സംഘടിപ്പിക്കുന്നത്. സമരം ശക്തമാക്കാൻ കർഷക സംഘടനകൾ യുപിയിലും ഹരിയാനയിലും മഹാപഞ്ചായത്തുകൾ സംഘടിപ്പിക്കുന്ന സാഹചര്യത്തിലാണ് കോൺഗ്രസിന്റെ പ്രഖ്യാപനം.
അതിനൊപ്പം വീണ്ടും ട്രാക്ടർ റാലി സംഘടിപ്പിക്കാനും തീരുമാനം എടുത്തിട്ടുണ്ട്. അജ്മീറിൽ വച്ചായിരിക്കും റാലി നടക്കുക. നേരത്തെ കാർഷിക നിയമങ്ങൾ പാസാക്കിയതിന് പിന്നാലെ പഞ്ചാബ്, ഹരിയാന സംസ്ഥാനങ്ങളിൽ രാഹുൽ ഗാന്ധി ട്രാക്ടർ റാലി നടത്തിയിരുന്നു. പിന്നീട് സമരരംഗത്ത് നിന്നും ഉൾവലിഞ്ഞ രാഹുലിനെ നേതൃനിരയിൽ എത്തിക്കാനാണ് പുതിയ പരിപാടികൾ നടത്തുന്നത്.
Read Also: പിഎസ്സി വിവാദം; നീതിയാത്ര നടത്താൻ മാത്യു കുഴൽനാടൻ