എറണാകുളം: കൊച്ചി മെട്രോ സംബന്ധിച്ച വിവരങ്ങൾ ഇനി വാട്സ്ആപ്പിലൂടെയും അറിയാം. പൊതുവായ അന്വേഷണങ്ങള്, പുതിയ വിവരങ്ങള് തുടങ്ങി കൊച്ചി മെട്രോ സംബന്ധിച്ച എല്ലാ വിവരങ്ങളും ജനങ്ങൾക്ക് അറിയാൻ വാട്സ്ആപ്പ് സേവനം ആരംഭിച്ചിട്ടുണ്ട്. വിവരങ്ങൾ അറിയുന്നതിന് ഒപ്പം തന്നെ മെട്രോ സേവനങ്ങൾ സംബന്ധിച്ച നിർദ്ദേശങ്ങളോ, പരാതികളോ ഉണ്ടെങ്കിൽ അവയും വാട്സ്ആപ്പ് വഴി അറിയിക്കാൻ കഴിയും.
9188957488 എന്ന നമ്പരിലേക്ക് വാട്സ്ആപ്പ് മെസേജ് അയച്ചാല് കൊച്ചി മെട്രോ സംബന്ധിച്ച വിവരങ്ങളുടെ മെനു വരും. തുടർന്ന് അതിൽ നിന്നും ആവശ്യമായ വിവരങ്ങൾ തിരഞ്ഞെടുക്കാവുന്നതാണ്. മൊബൈല് നമ്പര് ടൈപ്പ് ചെയ്യുന്നതിന് പകരം ഇതോടൊപ്പമുള്ള ക്യൂആര് കോഡ് സ്കാന് ചെയ്തും ഈ സേവനം ഉപയോഗിക്കാമെന്ന് അധികൃതർ വ്യക്തമാക്കി.
വാട്സ്ആപ്പ് സേവനത്തിലൂടെ കെഎംആർഎൽ നൽകുന്ന മികച്ച ബിസിനസ് അവസരങ്ങളെ കുറിച്ചും അറിയാൻ സാധിക്കുമെന്നും, വരും ദിവസങ്ങളിൽ ഈ സേവന ശൃംഖല വർധിപ്പിക്കുമെന്നും അധികൃതർ വ്യക്തമാക്കി.
Read also: കോവിഡ് കേസുകൾ ഉയർന്ന് ദക്ഷിണ കൊറിയ; പ്രതിദിന രോഗബാധ 3 ലക്ഷത്തിലധികം