എറണാകുളം: കൊച്ചി വിമാനത്താവളത്തിൽ നിന്നും ലണ്ടനിലേക്ക് നേരിട്ടുള്ള എയർ ഇന്ത്യയുടെ ആദ്യ വിമാന സർവീസ് ഇന്ന് രാവിലെ പുറപ്പെടും. യന്ത്രത്തകരാറിനെ തുടർന്ന് ഇന്നലെ ഉച്ചയോടെ പുറപ്പെടേണ്ട സർവീസ് റദ്ദാക്കിയിരുന്നു. തുടർന്ന് ഇന്നാണ് സർവീസ് വീണ്ടും പുനഃരാരംഭിക്കുന്നത്.
പുലർച്ചെ 3.30ന് എത്തിച്ചേർന്ന എയർ ഇന്ത്യയുടെ വിമാനം ഉച്ചയ്ക്ക് 1.30ന് തിരികെ പോകേണ്ടതായിരുന്നു. എന്നാൽ വിമാനത്തിന് ചില സാങ്കേതിക തകരാർ സംഭവിച്ചത് മൂലം വിമാന സർവീസ് വൈകുമെന്ന് എയർപോർട്ട് അധികൃതർ വ്യക്തമാക്കിയത്. എന്നാൽ മണിക്കൂറുകളോളം യാതൊരു അറിയിപ്പും ലഭിച്ചിരുന്നില്ലെന്ന് യാത്രക്കാർ വ്യക്തമാക്കുന്നുണ്ട്.
വിമാനം പുറപ്പെടുന്നതിന് കാലതാമസം ഉണ്ടായതോടെ യാത്രക്കാരിൽ നിന്നും വലിയ പ്രതിഷേധങ്ങളാണ് ഉണ്ടായത്. കൊച്ചിയിലെ നെടുമ്പാശ്ശേരി വിമാനത്താവളത്തിലാണ് പ്രതിഷേധം ഉണ്ടായത്. തുടർന്ന് ഇന്നലെ സർവീസ് റദ്ദാക്കിയതായി എയർപോർട്ട് അധികൃതർ യാത്രക്കാരെ അറിയിക്കുകയായിരുന്നു.
Read also: കോവിഡ് വ്യാപനം തുടരുന്നു; ഗോവയിൽ കർഫ്യൂ നീട്ടി
