കോഴിക്കോട്: കൂരാച്ചുണ്ടിലെ സ്വകാര്യ ഫാമില് കോഴികൾ കൂട്ടത്തോടെ ചത്തത് പക്ഷിപ്പനി കാരണമാണോയെന്ന് ഇന്ന് സ്ഥിരീകരിക്കാനാകും. പക്ഷിപ്പനി ബാധ സംശയിക്കുന്ന ഫാമില് നിന്നയച്ച സാമ്പിൾ പരിശോധനാ ഫലം ഇന്ന് ലഭിക്കും. രാവിലെയോടെ കാരണം സ്ഥിരീകരിക്കാൻ സാധിക്കുമെന്ന് കൂരാച്ചുണ്ട് പഞ്ചായത്ത് പ്രസിഡണ്ട് അറിയിച്ചു.
ഭോപ്പാലിലെ ലാബിലാണ് സാമ്പിൾ പരിശോധിക്കുന്നത്. നേരത്തെ കേരളത്തിലെ ലാബിൽ പരിശോധിച്ച രണ്ട് സാമ്പിളിൽ ഒരെണ്ണം പോസിറ്റീവും ഒരെണ്ണം നെഗറ്റീവുമാണ്. മുന്കരുതല് നടപടിയായി ഫാമിന്റെ പത്ത് കിലോമീറ്റർ പരിസരം ഇതിനോടകം നിരീക്ഷണത്തിലാക്കിയിട്ടുണ്ട്. കഴിഞ്ഞ ദിവസമാണ് കാളങ്ങാലിയിലെ സ്വകാര്യ വ്യക്തിയുടെ ഫാമിലെ 300 കോഴികൾ കൂട്ടത്തോടെ ചത്തത്.
National News: മഹാരാഷ്ട്രയില് കനത്തമഴ തുടരും; മരിച്ചവരുടെ ബന്ധുക്കള്ക്ക് ധനസഹായം പ്രഖ്യാപിച്ചു