വടകര: കോവിഡ് മാനദണ്ഡം ലംഘിച്ച് വിവാഹം നടത്തിയ വീട്ടുടമക്കെതിരെ പോലീസ് കേസെടുത്തു. ഇരിങ്ങണ്ണൂർ ഇല്ലത്ത് പള്ളിക്ക് സമീപം കുനിയിൽ മുഹമ്മദിന്റെ പേരിലാണ് പോലീസ് കേസെടുത്തത്. മകന്റെ കല്യാണത്തിന് മാനദണ്ഡം ലംഘിച്ച് കൂടുതൽ പേരെ പങ്കെടുപ്പിച്ചുവെന്നാണ് പരാതി.
കല്യാണത്തിന് നിരവധി ആളുകൾ എത്തിയതറിഞ്ഞ് നാദാപുരം എസ്‌ഐ പ്രശാന്തിന്റെ നേതൃത്വത്തിൽ പോലീസ് സ്‌ഥലത്തെത്തി കല്യാണ വീട്ടിലെ കസേരകളും സാധനസാമഗ്രികൾ ഉൾപ്പടെ കസ്‌റ്റഡിയിൽ എടുത്തിട്ടുണ്ട്. കോവിഡ് മാനദണ്ഡം ലംഘിക്കുന്നവർക്കെതിരെ കർശന നടപടി സ്വീകരിക്കുമെന്ന് പോലീസ് പറഞ്ഞു.
Read Also: കരുവന്നൂർ തട്ടിപ്പ്; എസി മൊയ്‌തീന്‌ പങ്ക്; ഫയലുകൾ സിപിഎം പൂഴ്‌ത്തി; കെ സുരേന്ദ്രൻ
