ശ്രീകണ്‌ഠപുരം: 64 കുപ്പി മദ്യവുമായി ശ്രീകണ്‌ഠപുരത്ത് ഒരാൾ അറസ്‌റ്റിൽ. ചെങ്ങളായി ചേരമൂലയിൽ പാലങ്ങാട്ട് യൂസഫ് (62) ആണ് എക്സൈസ് സംഘത്തിന്റെ പിടിയിലായത്. മദ്യക്കുപ്പികൾ ഓട്ടോറിക്ഷയിൽ കൊണ്ടുപോകുന്ന വഴിയാണ് ഇയാളെ പിടികൂടിയത്. കൂടെ ഉണ്ടായിരുന്ന ചെങ്ങളായി കുണ്ടംകൈയിൽ മണ്ണഞ്ചൽ പുതിയ പുരയിൽ വീട്ടിൽ ഫാറൂഖ് ഓടിരക്ഷപ്പെട്ടു. ഇയാൾക്കെതിരെ കേസെടുത്തിട്ടുണ്ട്.
എക്സൈസ് പ്രിവന്റിവ് ഓഫീസർ വിവി ഷാജിക്ക് ലഭിച്ച രഹസ്യവിവരത്തിന്റെ അടിസ്‌ഥാനത്തിൽ നടത്തിയ പരിശോധനയിലാണ് പ്രതി പിടിയിലായത്. ഫാറൂഖിന്റെ വീട്ടുപരിസരത്ത് നിന്നും ഒളിപ്പിച്ചുവെച്ച മദ്യവും എക്സൈസ് സംഘം കണ്ടെടുത്തു. തിരഞ്ഞെടുപ്പുമായി ബന്ധപ്പെട്ട് പ്രദേശത്ത് മദ്യമൊഴുക്കാനുള്ള ഇവരുടെ പദ്ധതിയാണ് എക്സൈസ് സംഘം തകർത്തത്.
ഫാറൂഖിനായി അന്വേഷണം ഊർജ്‌ജിതമാക്കി. നിരവധി കേസുകളിൽ പ്രതിയായ ഫാറൂഖ് ഗൾഫിൽ ജയിലിൽ ആയിരുന്നുവെന്ന് ഉദ്യോഗസ്‌ഥർ പറഞ്ഞു. ഈ അടുത്ത കാലത്താണ് ഇയാൾ നാട്ടിൽ എത്തിയത്.
പ്രിവന്റിവ് ഓഫീസർമാരായ വിവി ഷാജി, കെ സന്തോഷ് കുമാർ, പിവി പ്രകാശൻ, സിഇഒമാരായ എം ഗോവിന്ദൻ, എംവി പ്രദീപൻ, സി പ്രദീപ് കുമാർ, എം രമേശൻ, അഖിൽ ജോസ്, സുജേഷ് എന്നിവർ അടങ്ങിയ സംഘമാണ് പ്രതിയെ പിടികൂടിയത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
