മുംബൈ: പൂനെയിലെ രാസവസ്‌തു നിര്‍മാണ ശാലയിൽ തീപിടിത്തം. അപകടത്തിൽ എട്ട് പേര്‍ മരിച്ചു. ഉറാവാഡ വ്യവസായ പാര്‍ക്കിന് സമീപമുള്ള എസ്‌വിഎസ് അക്വാടെക്‌നോളജിയെന്ന സ്‌ഥാപനത്തിലാണ് അപകടമുണ്ടായത്. പൂനെയില്‍ നിന്ന് 40 കിലോ മീറ്റര്‍ അകലെയാണ് സംഭവസ്‌ഥലം.
അപകട സമയത്ത് 37 ജീവനക്കാർ കമ്പനിക്കുള്ളില്‍ ഉണ്ടായിരുന്നു. ഇതിൽ 20 പേരെ മാത്രമാണ് ഇതുവരെ രക്ഷപെടുത്താൻ സാധിച്ചതെന്ന് പൊലീസ് സൂപ്രണ്ട് അഭിനവ് ദേശ്‌മുഖ് പറഞ്ഞു. രക്ഷാ പ്രവർത്തനത്തിനായി എട്ടോളം ഫയർ എഞ്ചിനുകൾ സ്‌ഥലത്ത് എത്തിയിട്ടുണ്ട്. ജലശുദ്ധീകരണത്തിനുള്ള ക്‌ളോറിന്‍ ഡയോക്‌സൈഡ് ടാബാണ് ഫാക്‌ടറിയില്‍ നിര്‍മിക്കുന്നത്.
Read also: ഇന്ധനവില വർധന; കാരണം ആഗോള തലത്തിലെ ക്രൂഡ് ഓയിൽ വിലയെന്ന് കേന്ദ്രമന്ത്രി
