മനാമ : ഇന്ന് മുതൽ ബഹ്‌റൈനിൽ ഉച്ചവിശ്രമ നിയമം പ്രാബല്യത്തിൽ വരും. ഉച്ചക്ക് 12 മണി മുതൽ വൈകുന്നേരം 4 മണി വരെ തുറസായ സ്‌ഥലങ്ങളിൽ ജോലി ചെയ്യുന്നത് നിരോധിച്ചുകൊണ്ടുള്ള നിയമമാണ് ഉച്ചവിശ്രമ നിയമം. ജൂലൈ 1 മുതൽ ഓഗസ്‌റ്റ് 31 വരെയാണ്‌ ഈ നിയമം നടപ്പിലാക്കുക. സൂര്യാഘാതത്തില്‍ നിന്നും വേനല്‍ക്കാല രോഗങ്ങളില്‍ നിന്നും തൊഴിലാളികളെ സംരക്ഷിക്കുന്നതിന് വേണ്ടിയാണ് ഈ നിയമം നടപ്പിലാക്കുന്നത്.
രാജ്യത്ത് ഇതിനോടകം തന്നെ നിയമം നടപ്പിലാക്കുന്നതിന് വേണ്ട നടപടികൾ സ്വീകരിച്ച് കഴിഞ്ഞതായി തൊഴിൽ, സാമൂഹിക വികസന മന്ത്രാലയം വ്യക്‌തമാക്കി. നിയമം ലംഘിക്കുന്ന തൊഴിൽ ഉടമകൾക്കെതിരെ കർശന നടപടികൾ സ്വീകരിക്കുമെന്ന് അധികൃതർ അറിയിച്ചു. നിയമലംഘനം നടത്തുന്ന തൊഴിലുടമകള്‍ക്ക് 3 മാസം വരെ തടവുശിക്ഷയോ 500 ദിനാര്‍ മുതല്‍ 1,000 ദിനാര്‍ വരെ പിഴയോ, അല്ലെങ്കിൽ ഇവ രണ്ടുമോ ആണ് ശിക്ഷയായി ലഭിക്കുക.
Read also : നിക്ഷേപ പദ്ധതിക്ക് ധാരണാപത്രം ഒപ്പിട്ടശേഷം കിറ്റെക്‌സ്‌ തുടർനടപടി സ്വീകരിച്ചില്ല; മന്ത്രി പി രാജീവ്‌
