കടുത്തുരുത്തി: വിവാഹത്തിനായി കരുതിവച്ച തുകയുടെ വിഹിതം കോവിഡ് പ്രതിരോധ പ്രവർത്തനങ്ങൾക്ക് നൽകി മാതൃകയായി ദമ്പതികൾ. യൂത്ത് കോണ്ഗ്രസ് തലയോലപ്പറമ്പ് ബ്ളോക്ക് ജനറല് സെക്രട്ടറി അരുണ് കുമാറും ഭാര്യ അശ്വതിയും ചേർന്നാണ് തുക പഞ്ചായത്ത് ഡൊമിസിലറി കെയര് സെന്ററിന് സംഭാവനയായി നൽകിയത്.
കോവിഡ് കാലത്ത് വിവാഹ ചിലവ് ചുരുങ്ങിയതോടെയാണ് അരുൺ, തുകയുടെ വിഹിതമായ 10,000 രൂപ വെള്ളൂര് പഞ്ചായത്തിന്റെ നേതൃത്വത്തില് കോവിഡ് രോഗികളെ പരിപാലിക്കുന്ന ഡൊമിസിലറി കെയര് സെന്ററിന്റെ പ്രവര്ത്തനങ്ങള്ക്കായി നൽകാൻ തീരുമാനിച്ചത്.
അരുണ്കുമാറും അശ്വതിയും ചേര്ന്ന് വെള്ളൂര് പഞ്ചായത്ത് പ്രസിഡണ്ട് ലൂക്ക് മാത്യുവിന് തുക കൈമാറി. പഞ്ചായത്തംഗങ്ങളായ വികെ മഹിളാമണി, ആര് നികിതകുമാര് എന്നിവരും സന്നിഹിതരായി.
Also Read: ‘അക്വേറിയം’ സിനിമയ്ക്കെതിരെ കന്യാസ്ത്രീകളുടെ സംഘടന; റിലീസ് സ്റ്റേ ചെയ്തു