ദോഹ: മാസ്ക് ധരിക്കുന്നതിൽ കൂടുതൽ ഇളവുകളുമായി ഖത്തർ. ആശുപത്രികളിലും, പൊതുഗതാഗത സംവിധാനങ്ങളിലും ഒഴികെ മാസ്ക് നിർബന്ധമല്ലെന്നാണ് അധികൃതർ വ്യക്തമാക്കിയത്. ശനിയാഴ്ച മുതലാണ് ഈ ഇളവ് പ്രാബല്യത്തിൽ വരിക.
അതായത് ഈ മാസം 21 മുതൽ ആശുപത്രികളിലും ദോഹ മെട്രോ, കർവ ബസ് തുടങ്ങിയ പൊതുഗതാഗത സൗകര്യങ്ങളിലും മാത്രം മാസ്ക് ധരിച്ചാൽ മതി. കൂടാതെ അടഞ്ഞ പൊതുസ്ഥലങ്ങളിൽ ജോലി ചെയ്യുന്ന, ഉപഭോക്താക്കളുമായി സമ്പർക്കം പുലർത്തേണ്ടി വരുന്ന ജീവനക്കാർ ജോലി സമയങ്ങളിൽ മാസ്ക് ധരിക്കണം. രാജ്യത്തെ നിലവിലെ കോവിഡ് സാഹചര്യങ്ങൾ സംബന്ധിച്ച സുപ്രീം കമ്മിറ്റി ഫോർ ക്രൈസിസ് മാനേജ്മെന്റിന്റെ റിപ്പോർട് വിലയിരുത്തിയ ശേഷമാണ് ഈ ഇളവുകൾ പ്രഖ്യാപിച്ചത്.
Read also: തീപിടുത്തം; ഇലക്ട്രിക് സ്കൂട്ടർ നിർമാതാക്കൾക്ക് കേന്ദ്രത്തിന്റെ നോട്ടീസ്