തിരുവനന്തപുരം: വെഞ്ഞാറമൂട് മൂന്ന് മക്കള്ക്ക് വിഷം നൽകിയ ശേഷം മാതാവ് ആത്മഹത്യ ചെയ്തു. വെഞ്ഞാറമൂട് കുന്നുമുകള് തടത്തരികത്ത് വീട്ടിൽ ശ്രീജയാണ് മരിച്ചത്. ഒൻപതും ഏഴും മൂന്നരയും വയസുള്ള കുട്ടികളെ ഗുരുതരാവസ്ഥയിൽ തിരുവനന്തപുരം എസ്എടിയില് പ്രവേശിപ്പിച്ചു.
ഇന്നലെ വൈകുന്നേരം ജോലി കഴിഞ്ഞെത്തിയ ശ്രീജ ശീതളപാനീയത്തിൽ കുട്ടികള്ക്ക് എലിവിഷം കലർത്തി നൽകുകയായിരുന്നു. ഇന്നലെ വൈകുന്നേരം അവശയായി കണ്ടെത്തിയ ശ്രീജയെ പ്രാഥമിക ആരോഗ്യ കേന്ദ്രത്തിൽ എത്തിച്ചു. ചികിൽസിച്ച ഡോക്ടറോടാണ് കുട്ടികള്ക്കും വിഷം നൽകിയ കാര്യം ശ്രീജ പറയുന്നത്. ഉടൻ ശ്രീജയെയും കുട്ടികളെയും മെഡിക്കൽ കോളജിലേക്ക് മാറ്റി.
ഇന്ന് രാവിലെയാണ് ശ്രീജ മരിച്ചത്. കുടുംബ പ്രശ്നങ്ങളാണ് ആത്മഹത്യക്ക് കാരണമെന്ന് വെഞ്ഞാറമൂട് പോലീസ് പറഞ്ഞു. ഭർത്താവ് ബിജു പൂനയിൽ ജോലി ചെയ്യുകയാണ്.
Most Read: ‘നിങ്ങൾ കുറ്റവാളിയെ സംരക്ഷിക്കുന്നു’; മോദിക്കെതിരെ പ്രിയങ്ക ഗാന്ധി