ന്യൂഡെൽഹി: ചൈനക്കെതിരെ ആഞ്ഞടിച്ച് പ്രതിരോധ മന്ത്രി രാജ്നാഥ് സിംഗ്. ചില രാജ്യങ്ങൾക്ക് ഇടുങ്ങിയ താൽപര്യങ്ങളും ആധിപത്യ പ്രവണതകളുമെന്ന് രാജ്നാഥ് സിംഗ് ആരോപിച്ചു. ‘യുഎൻ കൺവെൻഷൻ ഓൺ ദി ലോ ഓഫ് ദി സീ’യെ അവർ തെറ്റായി വ്യാഖ്യാനിക്കുന്നുവെന്നും അദ്ദേഹം കുറ്റപ്പെടുത്തി. ചൈനയുടെ പുതിയ സമുദ്ര നിയമങ്ങളുടെ പശ്ചാത്തലത്തിലാണ് പ്രതിരോധ മന്ത്രിയുടെ പരാമർശം.
ഇന്ത്യയുടെ പരമാധികാരത്തെയും അഖണ്ഡതയെയും ചോദ്യം ചെയ്യുന്ന ആർക്കും തക്ക മറുപടി നൽകുമെന്നും ഏതു വെല്ലുവിളിയും നേരിടാൻ രാജ്യം സജ്ജമാണെന്നും ചൈനക്ക് പരോക്ഷ മുന്നറിയിപ്പെന്ന നിലയിൽ രാജ്നാഥ് സിംഗ് കഴിഞ്ഞ ദിവസം ലഡാക്കിൽ പറഞ്ഞിരുന്നു. മറ്റേതെങ്കിലും രാജ്യത്തിന്റെ ഭൂമി കൈവശപ്പെടുത്തുക എന്നത് ഇന്ത്യയുടെ രീതിയല്ല. ഇന്ത്യയുടെ ഒരോ ഇഞ്ച് ഭൂമിയും സംരക്ഷിക്കാൻ രാജ്യത്തിന്റെ ധീര സൈനികർക്ക് കഴിയുമെന്നും അദ്ദേഹം വ്യക്തമാക്കിയിരുന്നു.
Read Also: അടുത്ത 5 ദിവസം സംസ്ഥാനത്ത് ഒറ്റപ്പെട്ട ശക്തമായ മഴ; കാലാവസ്ഥാ കേന്ദ്രം