നയൻ‌താര പ്രധാന കഥാപാത്രമായി എത്തുന്ന ചിത്രം ‘ഒ2‘വിന്റെ ട്രെയ്‌ലർ പുറത്തുവിട്ടു. ജിഎസ് വിഘ്‌നേശ് സംവിധാനം ചെയ്‌തിരിക്കുന്ന ചിത്രം ഒരു സസ്‌പെൻസ് ത്രില്ലറാണ്.
യാത്രക്കിടെ ബസ് അപകടത്തിൽപ്പെട്ട് അഗാധമായ താഴ്‌ചയിലേക്ക് പോകുകയും അവിടെ നിന്ന് രക്ഷപ്പെടാൻ വേണ്ടിയുളള പോരാട്ടവുമാണ് ട്രെയ്‌ലറിൽ നിന്ന് വ്യക്‌തമാകുന്നത്. ഡിസ്‌നി പ്ളസ് ഹോട്ട്‌സ്‌റ്റാറിലാണ് ചിത്രം റിലീസ് ചെയ്യുക.
ഡ്രീം വാരിയർ പിക്‌ചേഴ്‌സ് നിർമിക്കുന്ന ചിത്രത്തിൽ മലയാളി താരങ്ങളായ ജാഫർ ഇടുക്കിയും ലെനയും പ്രധാന കഥാപാത്രങ്ങളെ അവതരിപ്പിക്കുന്നു. തമിഴ് എ അഴകൻ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റർ സെൽവ ആർകെയാണ്. വിശാൽ ചന്ദ്രശേഖറാണ് സംഗീത സംവിധാനം.
Most Read: വിജയ് ബാബുവിന്റെ മുന്‍കൂര്‍ ജാമ്യാപേക്ഷ പരിഗണിക്കുന്നത് ഹൈക്കോടതി മാറ്റി
