ബോക്‌സോഫിസിൽ ഹിറ്റായ ‘കായംകുളം കൊച്ചുണ്ണി’ക്കു ശേഷം നിവിൻ പോളിയും സംവിധായകൻ റോഷൻ ആൻഡ്രൂസും വീണ്ടും ഒന്നിക്കുന്നു. ഫൺ എന്റർടെയ്നറായി ഒരുങ്ങുന്ന ചിത്രത്തിന്റെ പൂജ കൊട്ടാരക്കര ഗണപതി ക്ഷേത്രത്തിൽ വച്ച് നടന്നു.
അജിത്ത് വിനായക ഫിലിംസിന്റെ ബാനറിൽ വിനായക അജിത്ത് നിർമിക്കുന്ന ഈ ചിത്രത്തിൽ നിവിൻ പോളിക്കൊപ്പം സിജു വിൽസൻ, സൈജു കുറുപ്പ്, അജു വർഗീസ്, സാനിയ ഇയ്യപ്പൻ എന്നിവരും പ്രധാന വേഷങ്ങളിലുണ്ട്.
View this post on Instagram
ഏപ്രിൽ 20ന് ചിത്രത്തിന്റെ ഷൂട്ട് തുടങ്ങുമെന്നാണ് വിവരം. ദുബായ്‌, ബെംഗളൂരു, മൈസൂർ എന്നിവിടങ്ങളാണ് പ്രധാന ലൊക്കേഷനുകൾ.
നവീൻ ഭാസ്‌കറാണ് ചിത്രത്തിനായി തിരക്കഥ ഒരുക്കുന്നത്. ആർ ദിവാകരൻ ഛായാഗ്രഹണം നിർവഹിക്കുന്ന ചിത്രത്തിന് ഈണം പകരുന്നത് ജേക്‌സ് ബിജോയ് ആണ്.
Most Read: ഐപിഎൽ; ഇന്ന് ഗുജറാത്ത്‌- രാജസ്‌ഥാൻ പോരാട്ടം
