കോട്ടയം: ഇടതുപക്ഷ ജനാധിപത്യ മുന്നണിയുടെ ഭാഗമായി ജോസ് കെ മാണി വിഭാഗം കേരള കോണ്ഗ്രസ് മല്സരിച്ച ആദ്യ തിരഞ്ഞെടുപ്പില് മികച്ച മുന്നേറ്റമുണ്ടാക്കിയ പശ്ചാത്തലത്തില് മുഴുവന് വോട്ടര്മാര്ക്കും നന്ദി അറിയിച്ച് ജോസ് കെ മാണി. ഫേസ്ബുക്കിലൂടെയാണ് അദ്ദേഹം വിജയത്തില് ഒപ്പം നിന്ന എല്ലാവര്ക്കും നന്ദി അറിയിച്ചത്. അതേസമയം ഈ അവസരത്തില് ആരെയും പരിഹസിക്കാനില്ലെന്നും അദ്ദേഹം പറഞ്ഞു.
പിന്തുണയും സ്നേഹവും നല്കി ഇടതുപക്ഷ മുന്നണിയെയും കേരള കോണ്ഗ്രസ് സ്ഥാനാര്ഥികളെയും വിജയിപ്പിച്ച എല്ലാവര്ക്കും വിജയം സമര്പ്പിക്കുന്നതായി അദ്ദേഹം പറഞ്ഞു. മാണി സാറിനെ രാഷ്ട്രീയമായി വഞ്ചിച്ചവര്ക്കുള്ള ജനങ്ങളുടെ മറുപടിയാണെന്നും സത്യത്തിന്റെ വിജയമാണെന്നും ഫേസ്ബുക്ക് പോസ്റ്റില് കുറിച്ചു. ആരെയും പരിഹസിക്കാനും കുത്തുവാക്ക് പറയാനുമില്ലെന്നും അദ്ദേഹം വ്യക്തമാക്കി.
Read Also: കാസര്ഗോഡ് നഗരസഭയില് യുഡിഎഫ് ആധിപത്യം