ഓവുചാൽ നിർമാണം; നടക്കാവിലെ ബസ് ഷെൽട്ടർ പൊളിച്ചു നീക്കി

By Staff Reporter, Malabar News
nadakkavu-shelter

കോഴിക്കോട്: കിഴക്കെനടക്കാവിലെ ക്രോസ്‌റോഡിൽ ഓവുചാൽ നിർമാണത്തിന് തടസമായിരുന്ന മൂന്ന് ബസ്‌ ഷെൽട്ടറുകളും പൊളിച്ചുനീക്കി. പൊതുമരാമത്ത് വകുപ്പിന്റെ നിർദ്ദേശ പ്രകാരം പരസ്യം സ്‌ഥാപിച്ചവർ തന്നെയാണ് ഇത് പൊളിച്ചു നീക്കിയത്. ഇതോടെ നിലവിൽ കോർപ്പറേഷന്റെ ഷോപ്പിങ് കോംപ്ളക്‌സിന് മുൻവശത്ത് മാത്രമേ ബസ് സ്‌റ്റോപ്പ് നിർമിക്കാനുള്ള സ്‌ഥലമുള്ളൂ.

അതുകൊണ്ട് തന്നെ പുതിയത് പണിയാൻ കോർപ്പറേഷൻ അനുമതി നൽകണമെന്ന് പൊതുമരാമത്ത് റോഡ്‌സ് വിഭാഗം എക്‌സിക്യൂട്ടീവ് എഞ്ചിനീയർ ആർ വിനയരാജ് പറഞ്ഞു. പകുതി ഓവുചാലിനുമുകളിലും പകുതി കോർപ്പറേഷന്റെ സ്‌ഥലത്തുമായി നീളത്തിൽ ഒരു ഷെൽട്ടർ പണിയാനാണ് ലക്ഷ്യമിടുന്നത്. ബസ് കാത്തിരിപ്പ് കേന്ദ്രമില്ലെങ്കിൽ ഒട്ടേറെ യാത്രക്കാരെ അത് ബാധിക്കും.

വെള്ളിമാടുകുന്ന്, കക്കോടി എന്നിവിടങ്ങളിലേക്കുള്ള സിറ്റിബസുകളും ബാലുശ്ശേരി, നരിക്കുനി ഭാഗങ്ങളിലേക്കുള്ള ലൈൻബസുകളും ഇവിടെ നിർത്താറുണ്ട്. നിരവധി യാത്രക്കാർ ആശ്രയിക്കുന്ന കാത്തിരിപ്പ് കേന്ദ്രമായതിനാൽ അടിയന്തര നടപടി വേണമെന്ന് ആവശ്യം ഉയർന്നിട്ടുണ്ട്. ബസ്‌ ഷെൽട്ടറുകൾ പൊളിച്ചു മാറ്റിയതിനാൽ ഇന്ന് മുതൽ ഓവുചാലിന്റെ നിർമാണം തുടങ്ങും.

Read Also: ലക്ഷദ്വീപിൽ ഇന്ന് ജനകീയ നിരാഹാര സമരം; കടകൾ അടച്ചിടും

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE