ബത്തേരി: മുത്തങ്ങ ചെക്ക്പോസ്റ്റിൽ നടത്തിയ വാഹന പരിശോധനയിൽ 1100 കിലോ പാൻ മസാല പിടികൂടി. കർണാടകയിൽ നിന്നും പിക്കപ്പ് വാഹനത്തിൽ കൊണ്ടുവരുകയായിരുന്ന പാൻമസാലയാണ് പിടികൂടിയത്. വാഹനവും തൊണ്ടിമുതലും കസ്റ്റഡിയിൽ എടുത്തതിനുശേഷം തുടർനടപടികൾക്കായി ഫുഡ് സേഫ്റ്റി വിഭാഗത്തിന് കൈമാറി.
പൊതുവിപണിയിൽ ഏകദേശം 14 ലക്ഷം രൂപ വിലമതിക്കുന്ന പാൻമസാലയാണ് പിടിച്ചെടുത്തത്. സർക്കിൾ ഇൻസ്പെക്ടർ പി ജുനൈദിന്റെ നേതൃത്വത്തിൽ നടന്ന വാഹന പരിശോധനയിലാണ് പാൻമസാല പിടികൂടിയത്. പരിശോധനയിൽ എക്സൈസ് ഇൻസ്പെക്ടർ പി ബാബുരാജ്, എംപി ഹരിദാസൻ, കെകെ അജയകുമാർ, സിവിൽ എക്സൈസ് ഓഫീസർമാരായ സി സുരേഷ്, അമൽദേവ് എന്നിവർ പങ്കെടുത്തു.
Read also: രോഗവ്യാപനം രൂക്ഷം; സംസ്ഥാനത്ത് ഒൻപത് ജില്ലകളില് നിരോധനാജ്ഞ നീട്ടി