കാസർഗോഡ്: ജില്ലയിലെ മെഡിക്കൽ കോളേജിൽ റെസിഡൻഷ്യൽ കോംപ്ളക്സ് നിർമിക്കാൻ 29 കോടി രൂപയുടെ സാങ്കേതികാനുമതി. 6600 ചതുരശ്ര മീറ്റർ വിസ്തീർണ്ണമുളളതും നാല് നിലകളോടും കൂടിയ ഗേൾസ് ഹോസ്റ്റലും, 4819 ചതുരശ്ര മീറ്റർ വിസ്തീർണ്ണമുളളതും ഒമ്പത് നിലകളോടും കൂടിയ ടീച്ചേഴ്സ് ക്വാർട്ടേഴ്സുമാണ് കാസർകോട് വികസന പാക്കേജിൽ ഉൾപ്പെടുത്തി നിർമിക്കുന്നത്.
ഗേൾസ് ഹോസ്റ്റലിന് 14 കോടി രൂപയും ടീച്ചേഴ്സ് ക്വാർട്ടേഴ്സിന് 11 കോടി രൂപയുമാണ് വകയിരുത്തിയത്. റസിഡൻഷ്യൽ കോംപ്ളക്സിലേക്കുള്ള ജലവിതരണത്തിനും ഡ്രൈനേജിനും 64 ലക്ഷം രൂപയും, ഗേൾസ് ഹോസ്റ്റലിനുളള ജലവിതരണത്തിനും സാനിറ്റേഷനും 68 ലക്ഷം രൂപയും, ടീച്ചേഴ്സ് ക്വാർട്ടേഴ്സിന്റെ ജലവിതരണത്തിനും സാനിറ്റേഷനും 74 ലക്ഷം രൂപയും വകയിരുത്തിയിട്ടുണ്ട്. കിറ്റ്കോ വഴിയാണ് പദ്ധതി നടപ്പാക്കുന്നത്.
Read Also: സംസ്ഥാനത്ത് അതിശക്തമായ മഴയ്ക്ക് സാധ്യത; വിവിധ ജില്ലകളിൽ ഓറഞ്ച് അലർട്