മലപ്പുറം: താനൂരിൽ പെട്രോൾ ടാങ്കർ ലോറി അപകടം. ഇന്ന് വൈകിട്ട് ആണ് അപകടം. പെട്രോൾ ടാങ്കർ ലോറി വൈദ്യുതി പോസ്‌റ്റിൽ ഇടിച്ചാണ് അപകടം ഉണ്ടായത്. അപകടത്തെ തുടർന്ന് ടാങ്കറിൽ നിന്ന് പെട്രോൾ വലിയ തോതിൽ റോഡിലേക്ക് ഒഴുകുകയാണ്. പ്രദേശത്തെ വൈദ്യുതിബന്ധം വിച്ഛേദിച്ചു. കടകളെല്ലാം അടപ്പിച്ച് പ്രദേശത്ത് നിന്ന് ആളുകളെ ഒഴിപ്പിച്ചു.
അഗ്‌നിശമന സേനയും പോലീസും നാട്ടുകാരും ചേർന്ന് അപകടം ഒഴിവാക്കാനുള്ള എല്ലാ മുന്‍കരുതലുകളും സ്വീകരിച്ചിട്ടുണ്ട്. ചൊവ്വാഴ്‌ച വൈകിട്ടോടെ താനൂർ ടൗണിലാണ് ടാങ്കർ അപകടത്തിൽ പെട്ടത്. നേരത്തെ താനൂർ ദേവദാർ പാലത്തിനു സമീപം ലോറിയും ബസും അപകടത്തിൽ പെട്ടിരുന്നു. ഇതിനെതുടർന്ന് വാഹനങ്ങൾ വഴിതിരിച്ച് വിട്ടിരുന്നു. ഇതാണ് ടാങ്കർ ലോറി ഈ പരിസരത്ത് അപകടത്തിൽ പെടാൻ കാരണമായത്.
Most Read: രാഹുൽ ഗാന്ധി നാളെ ലഖിംപൂരിലേക്ക്; യോഗിയ്‌ക്ക് കത്ത് നൽകി
