ന്യൂഡെല്ഹി: പ്രധാനമന്ത്രിയുടെ പിറന്നാൾ ‘ആഘോഷമാക്കിയ’ ഇന്ത്യന് മാദ്ധ്യമങ്ങളെ പരിഹസിച്ച് കോണ്ഗ്രസ് നേതാവ് ബിവി ശ്രീനിവാസ്. രാജ്യത്തെ തൊഴിലില്ലായ്മ ചൂണ്ടിക്കാട്ടി ഒരു മില്യണിലധികം ട്വീറ്റുകള് വന്നിട്ടുണ്ടെന്നും യഥാർഥ മാദ്ധ്യമ പ്രവര്ത്തനം ഇപ്പോഴും ജീവനോടെ ഉണ്ടെങ്കില് ഇത്തരം വസ്തുതകള് റിപ്പോര്ട് ചെയ്യണമെന്നും ശ്രീനിവാസ് പറഞ്ഞു.
‘ഹലോ ഇന്ത്യന് മാദ്ധ്യമങ്ങളെ, നിങ്ങള് മോദിജിയുടെ ജൻമദിനം ആഘോഷിക്കുകയാണോ അതോ ഈ രാജ്യത്തെ യുവ തലമുറക്കൊപ്പം ദേശീയ തൊഴിലില്ലായ്മ ദിനമോ?. തൊഴിലില്ലായ്മയെ കുറിച്ച് ഇതിനകം ഒരു മില്യണിലധികം ട്വീറ്റകള് വന്നുകഴിഞ്ഞു, മാദ്ധ്യമ പ്രവര്ത്തനം ഇപ്പോഴും ജീവനോടെ ഉണ്ടെങ്കില് വസ്തുതകള് റിപ്പോര്ട് ചെയ്യൂ’- അദ്ദേഹം പറഞ്ഞു. ഇന്ത്യന് പ്രധാനമന്ത്രിക്ക് ഇത് എന്തൊരു നാണംകെട്ട ഒരു ഹാപ്പി ബര്ത്ത്ഡേ ആണെന്നും ഇന്ത്യ മുഴുവന് അദ്ദേഹത്തിന് ദേശീയ തൊഴിലില്ലായ്മ ദിനം ആശംസിക്കുന്നു എന്നും ശ്രീനിവാസ് പറഞ്ഞു.
Hello Indian Media,
Are You Celebrating Modi Ji’s birthday or #NationalUnemploymentDay / #राष्ट्रीय_बेरोजगार_दिवस with the youth of this country?
Over 1 Million tweets already on the issue of unemployment, Report the facts if journalism is alive. pic.twitter.com/T4VbGwwED5
— Srinivas BV (@srinivasiyc) September 17, 2021
അതേസമയം, പ്രധാനമന്ത്രി മോദിക്ക് പിറന്നാൾ ആശംസകൾ നേര്ന്നുകൊണ്ട് കോണ്ഗ്രസ് നേതാവ് രാഹുല് ഗാന്ധി, ഡെൽഹി മുഖ്യമന്ത്രി അരവിന്ദ് കെജ്രിവാൾ തുടങ്ങിയവർ രംഗത്ത് വന്നിരുന്നു. ഹാപ്പി ബര്ത്ത് ഡേ മോദി ജീ എന്നായിരുന്നു രാഹുലിന്റെ ട്വീറ്റ്. ഒരുപാട് കാലം ആരോഗ്യത്തോടെ ജീവിക്കാന് ഞാന് പ്രാര്ത്ഥിക്കുന്നു എന്നായിരുന്നു കെജ്രിവാൾ പറഞ്ഞത്.
Read also: വസ്ത്രത്തിന് ഇറക്കമില്ല; എന്ട്രന്സ് എഴുതാനെത്തിയ വിദ്യാര്ഥിനിയെ മാറ്റിനിര്ത്തി