കണ്ണൂർ: ശിശുക്ഷേമ സമിതി കണ്ണൂര്‍ ജില്ലാ മുൻ ചെയര്‍മാന്‍ ഇഡി ജോസഫിനെതിരെ വീണ്ടും പോക്‌സോ കേസ്. കൗൺസിലിംഗിനിടെ പെൺകുട്ടിയോട് അപമര്യാദയായി പെരുമാറിയതിനാണ് കേസ്. കോടതിയുടെ നിർദേശപ്രകാരം തലശേരി പോലീസാണ് ഇഡി ജോസഫിനെതിരെ കേസെടുത്തത്.
കൗൺസിലിംഗിന് എത്തിയ 17കാരിയോട് മോശമായി പെരുമാറിയതിന് നേരത്തെയും ഇഡി ജോസഫിനെതിരെ കേസെടുത്തിരുന്നു. ഒക്‌ടോബർ 21ന് കൗണ്‍സിലിംഗിനായി എത്തിയപ്പോൾ ഇഡി ജോസഫ് മോശമായി സംസാരിച്ചു എന്നാണ് പെൺകുട്ടി മജിസ്‌ട്രേറ്റിന് നല്‍കിയ രഹസ്യ മൊഴി. ഇതിന്റെ അടിസ്‌ഥാനത്തിലായിരുന്നു ഇഡി ജോസഫിനെതിരെ തലശേരി പോലീസ് കേസെടുത്തത്.
കേസ് പരിഗണിക്കുന്നതിനിടെ, ലൈംഗികച്ചുവയോടെയും പരിഹസിക്കുന്ന ഭാഷയിലും സംസാരിച്ചെന്ന് പെണ്‍കുട്ടി പരാതിയില്‍ പറഞ്ഞിരുന്നു. കണ്ണൂര്‍ കുടിയാന്‍മല പോലീസ് സ്‌റ്റേഷന്‍ പരിധിയില്‍ റജിസ്‌റ്റര്‍ ചെയ്‌ത പോക്‌സോ കേസുമായി ബന്ധപ്പെട്ടാണ് ശിശുക്ഷേമ സമിതിക്ക് മുന്നില്‍ 17കാരി കൗണ്‍സിലിംഗിന് എത്തിയത്. ഈ പെൺകുട്ടിയുടെ സഹോദരി നൽകിയ പരാതിയിലാണ് ഇപ്പോൾ ജോസഫിനെതിരെ തലശേരി പോലീസ് പുതിയ കേസ് രജിസ്‌റ്റർ ചെയ്‌തിരിക്കുന്നത്‌.
ജോസഫിനെതിരെ പരാതി ഉയരുകയും കേസെടുക്കുകയും ചെയ്‌തതിന്‌ പിന്നാലെ ശിശുക്ഷേമ സമിതി അധ്യക്ഷ സ്‌ഥാനത്തു നിന്ന് ഒഴിവാക്കിയിരുന്നു. അന്വേഷണം അവസാനിക്കുന്നതുവരെ ചെയര്‍പേഴ്‌സണ്‍, സിഡബ്ള്യൂസി മെമ്പര്‍ എന്നീ ചുമതലകളില്‍ നിന്ന് ജോസഫിനെ ഒഴിവാക്കിക്കൊണ്ട് സാമൂഹ്യനീതി വകുപ്പ് ഉത്തരവിറക്കിയിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
