കണ്ണൂര്: ചൈല്ഡ് വെല്ഫയര് കമ്മിറ്റി(സി ഡബ്ള്യു സി) കണ്ണൂര് ജില്ലാ ചെയര്മാനെതിരെ പോക്സോ കേസ്. പീഡന കേസില് മൊഴി നല്കാനെത്തിയ പെണ്കുട്ടിയോട് മോശമായി പെരുമാറിയതിനാണ് സി ഡബ്ള്യു സി കണ്ണൂര് ജില്ലാ ചെയര്മാന് ഇഡി ജോസഫിന് എതിരെ കേസെടുത്തത്. പെണ്കുട്ടി മജിസ്ട്രേറ്റിന് നല്കിയ രഹസ്യമൊഴിയുടെ അടിസ്ഥാനത്തില് ഇയാള്ക്കെതിരെ തലശേരി പോലീസ് കേസെടുത്തു.
Malabar News: കോവിഡ് പരിശോധനയില് ക്രമക്കേട്; ആശുപത്രികള്ക്കും ലാബുകള്ക്കും എതിരെ നടപടി
ഒക്ടോബര് 21നാണ് കേസിന് ആസ്പദമായ സംഭവം നടന്നത്. പീഡന കേസുമായി ബന്ധപ്പെട്ട് പെണ്കുട്ടിയെ വിളിച്ച് വരുത്തി ഇഡി ജോസഫ് മൊഴിയെടുത്തിരുന്നു. തലശേരി എരഞ്ഞോളിയിലെ ശിശുക്ഷേമ സമിതിയുടെ ഓഫീസില് വച്ചായിരുന്നു പോക്സോ കേസില് ഇരയായ പെണ്കുട്ടിയുടെ മൊഴിയെടുത്തത്. ഇതിനിടെ ചെയര്മാന് കുട്ടിയോട് മോശമായി പെരുമാറിയെന്നാണ് പരാതി ഉയര്ന്നിരിക്കുന്നത്. മൊഴിയെടുക്കലിന് ശേഷം കുട്ടി ഇക്കാര്യം വീട്ടുകാരെ അറിയിക്കുക ആയിരുന്നു. തുടര്ന്ന് പെണ്കുട്ടി മാജിസ്ട്രേറ്റിന് മുന്പാകെ നല്കിയ രഹസ്യ മൊഴിയുടെ അടിസ്ഥാനത്തില് തലശേരി പോലീസ് കേസെടുത്തു.