ഹൈദരാബാദ്: ആന്ധ്രാപ്രദേശിൽ ഭക്തി ചാനലിൽ നിന്ന് അശ്ളീല വെബ്സൈറ്റിന്റെ ലിങ്ക് മെയിലായി ലഭിച്ചുവെന്ന് പരാതി. ശ്രീ വെങ്കിടേശ്വര ഭക്തി ചാനലാണ് വിവാദത്തിൽ കുടുങ്ങിയത്. ശാന്തമാനം ഭവതി എന്ന പരിപാടിയുടെ ലിങ്ക് ആയിരുന്നു ലഭിക്കേണ്ടിയിരുന്നത്. എന്നാൽ, പരിപാടിയുടെ ലിങ്കിൽ ക്ളിക്ക് ചെയ്തയാൾ ചെന്നെത്തിയത് അശ്ളീല വെബ്സൈറ്റിലാണ്.
Also Read: ജ്വല്ലറി നിക്ഷേപത്തട്ടിപ്പ് കേസ്; കമറുദ്ദീന്റെ ജാമ്യാപേക്ഷയില് കോടതി വിധി നാളെ
ലിങ്ക് മാറിയതോടെ ചാനൽ ചെയർമാൻ വൈവി സുബ്ബ റെഡ്ഡി, സിഇഒ ജവഹർ റെഡ്ഡി എന്നിവർക്കെതിരെ പരാതി നൽകിയതായി ലിങ്ക് മാറി ലഭിച്ചയാൾ അറിയിച്ചു. അശ്ളീല വീഡിയോ കാണുകയായിരുന്ന ചാനലിലെ ജീവനക്കാരിലൊരാൾ അബദ്ധത്തിൽ ലിങ്ക് മാറി അയച്ചതാണെന്നും ഇയാൾക്കെതിരെ നടപടിയെടുത്തെന്നും ചാനൽ അറിയിച്ചു. അതേ സമയം, ചാനലിനെതിരെ പ്രതിഷേധവുമായി ടിഡിപി രംഗത്തെത്തിയിട്ടുണ്ട്.