ഭിന്ദ്: തടവുകാര്‍ക്കുമേല്‍ ജയില്‍ മതില്‍ തകര്‍ന്നുവീണ് 22 പേര്‍ക്ക് പരിക്കേറ്റു. മധ്യപ്രദേശിലെ ഭിന്ദ് ജില്ലയിലെ ജയിലിലാണ് സംഭവം. പരിക്കേറ്റവരില്‍ ഒരാളുടെ നില അതിഗുരുതരമാണ്. ഇയാളെ ഗ്വാളിയറിലെ ആശുപത്രിയിലേക്ക് മാറ്റി. മറ്റുള്ളവർ ജില്ലാ ആശുപത്രിയിൽ ചികിൽസയിലാണെന്ന് ബിന്ദ് പോലീസ് സൂപ്രണ്ട് മനോജ് കുമാർ സിംഗ് അറിയിച്ചു.
ജയിലിലെ ആറാം നമ്പര്‍ ബ്ളോക്കിൽ ശനിയാഴ്‌ച പുലര്‍ച്ചെ ആയിരുന്നു അപകടം നടന്നത്. ഏറെ പഴക്കമുള്ള ജയില്‍ കെട്ടിടത്തിന്റെ മതില്‍ കനത്ത മഴയില്‍ തകരുകയായിരുന്നു എന്നും പോലീസ് സൂപ്രണ്ട് വ്യക്‌തമാക്കി.
ജയിലിൽ 255 തടവുകാരാണ് ഉണ്ടായിരുന്നത്. അപകടവിവരം അറിഞ്ഞയുടന്‍ സ്ഥലത്തെത്തിയ പോലീസാണ് രക്ഷാദൗത്യത്തിന് നേതൃത്വം നല്‍കിയത്.
Read: Also: കൊട്ടിയൂർ പീഡനക്കേസ്; പ്രതിയായ മുൻ വൈദികനെ വിവാഹം കഴിക്കാൻ അനുമതി തേടി പെൺകുട്ടി
