തിരുവനന്തപുരം : സെക്രട്ടേറിയറ്റിന് മുന്നിൽ പിഎസ്സി ഉദ്യോഗാർഥികൾ നടത്തുന്ന സമരം ഇന്നും തുടരും. തങ്ങളുടെ ആവശ്യങ്ങളിൽ വ്യക്തത നൽകികൊണ്ടുള്ള സർക്കാർ ഉത്തരവ് പുറത്തിറങ്ങുന്നത് വരെ സമാധാനപരമായി സമരം മുന്നോട്ട് കൊണ്ടുപോകാനാണ് എൽജിഎസ് ഉദ്യോഗാർഥികൾ തീരുമാനിച്ചിട്ടുള്ളത്.
എന്നാൽ ഇതുവരെ തങ്ങളുടെ ആവശ്യങ്ങൾ പരിഗണിക്കാൻ തയ്യാറാകാത്തതിനാൽ സമരം കൂടുതൽ ശക്തമാക്കാനുള്ള തീരുമാനത്തിലാണ് സിപിഒ ഉദ്യോഗാർഥികൾ. ഒപ്പം തന്നെ സമരം കൂടുതൽ ശക്തമാക്കുന്നതിന്റെ ഭാഗമായി സിപിഒ റാങ്ക് ലിസ്റ്റിൽ ഉൾപ്പെട്ട കൂടുതൽ ഉദ്യോഗാർഥികളെ സെക്രട്ടേറിയറ്റിന് മുന്നിലേക്ക് കൊണ്ടുവരാനും സമരക്കാർ തീരുമാനിച്ചിട്ടുണ്ട്.
ഇവർക്കൊപ്പം തന്നെ സർക്കാരിൽ നിന്നും അനുകൂല നിലപാട് ഉണ്ടാകുമെന്ന പ്രതീക്ഷയിൽ സമരം തുടരുകയാണ് നോണ് അപ്രൂവ്ഡ് അധ്യാപകരുടെ സംഘടന. കൂടാതെ സംസ്ഥാനത്ത് എച്ച്എസ്എ ഇംഗ്ളീഷ് റാങ്ക് ഹോള്ഡേഴ്സിന്റെ സമരവും ഇന്ന് തുടരും.
Read also : ഉയരുന്ന താപനില; സംസ്ഥാനം ചൂടിലേക്ക്; നിർദ്ദേശങ്ങൾ; ജാഗ്രത