തിരുവനന്തപുരം : സംസ്ഥാനത്ത് ഇനി മുതല് വിദേശത്ത് നിന്നും എത്തുന്ന ആളുകള്ക്കും ക്വാറന്റൈന് കാലാവധി 7 ദിവസമായി ചുരുക്കാന് സാധ്യത. ഇതുസംബന്ധിച്ച് വിശദമായ ചര്ച്ചകള്ക്ക് ശേഷം ഉത്തരവ് പുറപ്പെടുവിക്കും. നിലവില് 14 ദിവസമാണ് വിദേശരാജ്യങ്ങളില് നിന്നും എത്തുന്ന ആളുകളുടെ ക്വാറന്റൈന് കാലാവധി.
ഇതര സംസ്ഥാനത്ത് നിന്നും കേരളത്തില് എത്തുന്ന ആളുകളുടെ ക്വാറന്റൈന് കാലാവധി 7 ദിവസമായി ചുരുക്കാന് സര്ക്കാര് തീരുമാനിച്ചിരുന്നു. അതോടൊപ്പം തന്നെ വിദേശരാജ്യങ്ങളില് നിന്നും എത്തുന്ന ആളുകള്ക്കും 7 ദിവസം ക്വാറന്റൈന് ആക്കാന് ഉള്ള ധാരണയിലാണ് സര്ക്കാര്.
വിദേശത്ത് നിന്നും കേരളത്തില് എത്തുന്ന ആളുകള് യാത്രക്ക് മുന്പ് കോവിഡ് പരിശോധന നടത്തിയിരിക്കണം. പരിശോധനയില് നെഗറ്റീവ് ആകുന്നവര് കേരളത്തിലെത്തിയാല് അവര് 7 ദിവസം നിര്ബന്ധ ക്വാറന്റൈനില് കഴിയണം. ശേഷം 7 ദിവസങ്ങള്ക്ക് ശേഷം വീണ്ടും കോവിഡ് പരിശോധന നടത്തണം. ഫലം നെഗറ്റീവ് ആയാല് ശേഷിക്കുന്ന 7 ദിവസത്തെ ക്വാറന്റൈന് നിര്ബന്ധമല്ല. എന്നാല് 7 ദിവസങ്ങള്ക്ക് ശേഷം പരിശോധന നടത്താത്തവര് 14 ദിവസവും ക്വാറന്റൈനില് തുടരണം. ആരോഗ്യവകുപ്പ് ഇക്കാര്യത്തില് ധാരണയില് എത്തിയെങ്കിലും ഇത് സംബന്ധിച്ച് കൂടുതല് ചര്ച്ചകള് നടക്കും. അതിനു ശേഷമായിരിക്കും ഉത്തരവ് പുറത്തിറങ്ങുന്നത്.
Read also : ‘പാടും നിലാ’ ഇനി ഓർമ്മ; എസ്.പി.ബി അന്തരിച്ചു