ആദ്യമായി രാജ്യസഭയില് മലയാളികളുടെ എണ്ണം 14 ആയി. എം.വി. ശ്രേയാംസ്കുമാറിന്റെ ജയത്തോടെയാണ് രാജ്യസഭയില് റെക്കോര്ഡ് മലയാളി പ്രാതിനിധ്യം ആയത്. കേരളത്തില്നിന്നു തിരഞ്ഞെടുക്കപ്പെട്ട 9 പേരുള്പ്പെടെ രാജ്യസഭയില് നിലവിലുള്ളത് 14 മലയാളികള്.
ശ്രേയാംസ്കുമാറിനു പുറമേ ജോസ് കെ.മാണി, വയലാര് രവി, എ.കെ. ആന്റണി, ബിനോയ് വിശ്വം, എളമരം കരീം, കെ.സോമപ്രസാദ്, കെ.കെ. രാഗേഷ്, പി.വി. അബ്ദുല് വഹാബ്, എന്നിവരാണു രാജ്യസഭയില് കേരളത്തിന്റെ പ്രതിനിധികള്. ഇവരെ കൂടാതെ രാജസ്ഥാനില് നിന്ന് അല്ഫോന്സ് കണ്ണന്താനം, കെ.സി. വേണുഗോപാല്, മഹാരാഷ്ട്രയില് നിന്ന് കേന്ദ്രമന്ത്രി വി. മുരളീധരന്, കര്ണാടകയില് നിന്ന് രാജീവ് ചന്ദ്രശേഖര് എന്നിവരും രാജ്യസഭയിലുള്ള മലയാളികളാണ്. ഒപ്പം നോമിനേറ്റഡ് അംഗമായി സുരേഷ് ഗോപിയും.
ഇതിന് മുന്പ് 1992-97 ,1964-65 കാലഘട്ടങ്ങളില് 2 തവണ രാജ്യസഭയിലെ മലയാളി പ്രാതിനിധ്യം 13 ആയിട്ടുണ്ട്.