ബെര്‍ലിനില്‍ നടന്ന ഇന്‍ഡോ ജര്‍മ്മന്‍ ഫിലിം വീക്കില്‍ റോഷന് മാത്യുവിന് മികച്ച സഹനടനുള്ള പുരസ്‌കാരം. ഗീതു മോഹന്‍ദാസ് സംവിധാനം ചെയ്‌ത ‘മൂത്തോന്’ സിനിമയിലെ പ്രകടനത്തിനാണ് റോഷന് പുരസ്‌കാരം ലഭിച്ചത്. ചിത്രത്തില്‍ അമീര്‍ എന്ന കഥാപാത്രമായിരുന്നു റോഷന് കൈകാര്യം ചെയ്‌തത്. പ്രേക്ഷകര്‍ തിരഞ്ഞെടുത്ത മികച്ച സിനിമക്കുള്ള പുരസ്‌കാരവും ‘മൂത്തോന്’ ലഭിച്ചു. ‘പരീക്ഷ‘, ‘നിര്‍വാണ ഇന്‍‘ എന്നീ ചിത്രങ്ങളിലെ പ്രകടനത്തിന് ആദില്‍ ഹുസൈനാണ് മികച്ച നടനുള്ള പുരസ്‌കാരം ലഭിച്ചത്.
നേരത്തെ ന്യൂയോര്‍ക്ക് ഇന്ത്യന്‍ ഫിലിം ഫെസ്റ്റിവലിലും ‘മൂത്തോന്’ പുരസ്‌കാരങ്ങള്‍ നേടിയിരുന്നു. ഫെസ്റ്റിവലിലെ മികച്ച സിനിമക്കുള്ള ബഹുമതി ‘മൂത്തോനാ’യിരുന്നു. കൂടാതെ ചിത്രത്തിലെ അഭിനയത്തിന് നിവിന്‍ പോളിക്ക് മികച്ച നടനുള്ള പുരസ്‌കാരവും, സഞ്ജനാ ദീപുവിന് മികച്ച ബാലതാരത്തിനുള്ള പുരസ്‌കാരവും ലഭിച്ചിരുന്നു.
#Moothon won the audience choice award and also the Best supporting actor for Roshan Mathew at Indo-German film week 2020 in Berlin ???
Proud of you my Ameer ♥️ Roshan Mathew
Posted by Geetu Mohandas on Thursday, October 1, 2020
2019ല്‍ നടന്ന ടൊറന്റോ ഫിലിം ഫെസ്റ്റിവലിലെ അന്തര്‍ദേശീയ പ്രീമിയറിന് ശേഷം ‘മൂത്തോന്’ വലിയ രീതിയില്‍ നിരൂപക ശ്രദ്ധ ആകര്‍ഷിച്ചിരുന്നു. ‘ലയേഴ്‌സ് ഡയസി’നു ശേഷം ഗീതു സംവിധാനം ചെയ്‌ത ചിത്രത്തില്‍ നിവിന്‍ പോളി, സഞ്ജന ദീപു, റോഷന് മാത്യു, ഷഷാങ്ക് അറോറ, ശോഭിത ധൂലിപാല തുടങ്ങിയവരാണ് ശ്രദ്ധേയ കഥാപാത്രങ്ങളെ അവതരിപ്പിച്ചത്.
Read also: ‘കള്ളങ്ങള്‍ കച്ചവടത്തിന് വെക്കാതിരുന്നു കൂടെ’-വനിതക്കെതിരേ റോഷനും ദര്‍ശനയും
