മോസ്കോ: ലോകത്തിലെ ആദ്യത്തെ കോവിഡ് പ്രതിരോധ വാക്സിന് സ്പുട്നിക്-V യുടെ രജിസ്ട്രേഷന് ശേഷം കോവിഡ് മഹാമാരിക്കെതിരേ മറ്റൊരു വാക്സിന് തയ്യാറാക്കുകയാണ് റഷ്യ. വിപുലമായ ഒരു പരീക്ഷണ ഘട്ടം രാജ്യം ആരംഭിച്ചു കഴിഞ്ഞെന്ന് റിപ്പോര്ട്ടുകള് സൂചിപ്പിക്കുന്നു. സെപ്തംബറിലോ ഒക്ടോബര് ആദ്യമോ വാക്സിന് അനുമതി നല്കിയേക്കുമെന്ന് റഷ്യന് ഉപപ്രധാനമന്ത്രി ടഷ്യാന ഗൊളികോവ അറിയിച്ചു. സൈബീരിയയിലെ വെക്ടര് വൈറോളജി ഇന്സ്റ്റിറ്റ്യൂട്ട് ആണ് രണ്ടാമത്തെ വാക്സിന് വികസിപ്പിച്ചത്. ഇതിന്റെ പ്രാരംഭഘട്ട പരീക്ഷണങ്ങള് സെപ്തംബറോടെ പൂര്ത്തിയാകുമെന്നും അധികൃതര് പറയുന്നു.
നേരത്തെ കോവിഡ് 19 നെതിരായ ആദ്യത്തെ വാക്സിന് ജനങ്ങള്ക്ക് ലഭ്യമാക്കുന്നതിനുള്ള അനുമതി റഷ്യ നല്കിയിരുന്നു. ആര്ഡിഎഫിനൊപ്പം ഗമാലിയ ഇന്സ്റ്റിറ്റ്യൂട്ട് ഓഫ് എപ്പിഡെമിയോളജി ആന്ഡ് മൈക്രോബയോളജിയാണ് സ്പുട്നിക്-V വികസിപ്പിച്ചെടുത്തത്. ഇതിന്റെ മൂന്നാം ഘട്ട പരീക്ഷണങ്ങളോ വിപുലമായ ക്ലിനിക്കല് പരീക്ഷണങ്ങളോ പൂര്ത്തിയായിട്ടില്ല. ആദ്യ വാക്സിനെതിരെ വിമര്ശനങ്ങളും നിലനില്ക്കുന്നുണ്ട്. ഇതിന് പിന്നാലെയാണ് രണ്ടാമത്തെ വാക്സിന് എത്താന് പോകുന്നത്. റഷ്യന് റെഗുലേറ്ററി അനുമതി കൂടി ലഭ്യമാക്കുന്നതിന് വേണ്ടിയാണ് ഈ പരീക്ഷണം.