എറണാകുളം: ഈ വർഷത്തെ ഓടക്കുഴൽ പുരസ്‌കാരത്തിന് അർഹയായി സാറാ ജോസഫ്. ‘ബുധിനി’ എന്ന നോവലിലൂടെയാണ് സാറാ ജോസഫ് ഇത്തവണത്തെ ഓടക്കുഴൽ പുരസ്‌കാരം സ്വന്തമാക്കിയത്.
ജി ശങ്കരക്കുറുപ്പിന്റെ സ്‌മരണാർഥമാണ് എല്ലാ വർഷവും ഓടക്കുഴൽ അവാർഡ് വിതരണം ചെയ്യുന്നത്. മുപ്പതിനായിരം രൂപയും പ്രശസ്‌തി ഫലകവും അടങ്ങുന്നതാണ് പുരസ്‌കാരം.
വികസനത്തിന്റെ പേരിൽ സ്വന്തം ഭൂമിയിൽ നിന്ന് ആട്ടിയിറക്കപ്പെടുന്നവരുടെ ജീവിതം വരച്ചുകാട്ടുന്ന കൃതിയാണ് ബുധിനി. ഗുരുവായൂരപ്പൻ ട്രസ്‌റ്റാണ് ജി ശങ്കരക്കുറുപ്പിന്റെ സ്‌മരണാർഥം പുരസ്‌കാരം വിതരണം ചെയ്യുന്നത്.
Read also: ലഖിംപൂര്‍ ഖേരി കൂട്ടക്കൊല; കുറ്റപത്രം സമർപ്പിച്ച് പ്രത്യേക അന്വേഷണ സംഘം
