തിരുവനന്തപുരം: ജോസ് കെ മാണി വിഭാഗം യുഡിഎഫ് വിട്ട് ഇടത് മുന്നണിയില് ചേര്ന്നതില് പ്രതികരിച്ച് കോണ്ഗ്രസ് എം എല് എ ഷാഫി പറമ്പില്. മാണി സാറിന്റെ മകന്റെ പേര് ജോസ് എന്നാണെങ്കിലും പ്രവര്ത്തി കൊണ്ട് യൂദാസ് ആണെന്നും ഷാഫി തന്റെ ഫേസ് ബുക്ക് പോസ്റ്റില് വ്യക്തമാക്കി. രാജ്യസഭാ എം പി സ്ഥാനം മാത്രം രാജി വച്ചാല് പോരാ കോട്ടയം എം പി സ്ഥാനവും എം എല് എ സ്ഥാനവും കൂടി രാജി വെക്കണമെന്നും ഷാഫി പറമ്പില് ആവശ്യപ്പെട്ടു .
ഫേസ്ബുക് പോസ്റ്റിന്റെ പൂർണ രൂപം
മാണി സാര് മകന് പേരിട്ടത് ജോസ് എന്നാണ്. പ്രവര്ത്തി കൊണ്ട് മകന് സ്വയം സ്വീകരിച്ചിരിക്കുന്ന പേര് യൂദാസ് എന്നാണ്. യൂദാസ് കെ മാണി ഒറ്റ് കൊടുത്തത് UDF നെയും ജനങ്ങളെയും മാത്രമല്ല മാണി സാറിന്റെ പതിറ്റാണ്ടുകളുടെ പൊതുപ്രവര്ത്തനത്തെയാണ്. രാജ്യസഭാ MP സ്ഥാനം രാജി വെച്ച് ധാര്മ്മികത വിളമ്പണ്ട. പകരം കോട്ടയം MP സ്ഥാനവും MLA സ്ഥാനങ്ങളും രാജി വെക്കട്ടെ.
100 ശതമാനം അര്ഹതയുള്ള ലോകസഭാ സീറ്റ് ഒരു വാക്ക് പോലും പറയാതെ, ഒരു ചര്ച്ചയും കൂടാതെ നിഷേധിച്ചത് ഉള്പ്പെടെയുള്ള രാഷ്ട്രീയ കാര്യങ്ങളാല് മുന്നണി വിട്ട പാര്ട്ടിയുടെ നേതാവിന് പരനാറി എന്ന് പേരിട്ട പിണറായി വിജയന്, ലോകസഭാ മെമ്പര് ആയിരിക്കുമ്പോള് കാലാവധി പൂര്ത്തിയാക്കാതെ രാജി വെച്ച് രാജ്യസഭാ സീറ്റ് കൊടുത്ത മുന്നണിയെ വഞ്ചിച്ച് കാല് മാറിയയാളെ എന്ത് പേരിട്ട് വിളിക്കുമെന്ന് അറിയാന് കേരളത്തിന് താൽപര്യമുണ്ട് .
സ്വന്തം വകയായി 500 ക സംഭാവന ചെയ്ത ആഷിക്ക് അബുവും DYFI യുമൊക്കെ അടുത്ത LDF യോഗത്തിന് മുന്പെ അത് ജോസില് നിന്ന് തിരിച്ച് വാങ്ങാന് മറക്കണ്ട .
ബാര് കോഴ എന്നും പറഞ്ഞ് സമരം നടത്തിയ DYFI ക്കാര്ക്ക് നഷ്ടപരിഹാരം കൊടുക്കാം .
Read also: രാഷ്ട്രീയ വഞ്ചന; മാണി സാറിന്റെ ആത്മാവ് പൊറുക്കില്ല; പ്രതികരിച്ച് ഉമ്മന്ചാണ്ടി