തൃശൂർ: ജില്ലയിലെ കുട്ടനല്ലൂർ കോൺഗ്രസ് ഓഫീസിൽ നടത്തിയ ആക്രമണത്തിൽ 6 ഡിവൈഎഫ്ഐ പ്രവർത്തകർ അറസ്റ്റിൽ. ജീവൻ, സുനിൽ, ജോയ്സൺ, ജോമോൻ, ജോസ് മോൻ, അനുരാഗ് എന്നിവരാണ് അറസ്റ്റിലായത്.
ഇന്നലെ പുലർച്ചെയാണ് കോൺഗ്രസ് ഡിവിഷൻ കമ്മിറ്റി ഓഫീസ് പ്രവർത്തിക്കുന്ന മാധവൻ മാസ്റ്റർ സ്മാരക മന്ദിരത്തിന് നേരെ ആക്രമണം ഉണ്ടായത്. എകെജി സെന്ററിന് നേരെ സ്ഫോടക വസ്തു എറിഞ്ഞതിന് പിന്നാലെയാണ് ആക്രമണം ഉണ്ടായത്. ഓഫീസിന് മുന്നിലുണ്ടായിരുന്ന ബോർഡുകളും കൊടിതോരണങ്ങളും നശിപ്പിക്കുകയും ചെയ്തു. പ്രതികളെ നിലവിൽ പോലീസ് ജാമ്യത്തിൽ വിട്ടയച്ചു.
Read also: ആവിക്കലിൽ പ്രതിഷേധക്കാർക്ക് നേരെ കല്ലേറും കണ്ണീർവാതക പ്രയോഗവും